Ижкар-1 °C
26 -тӥ толшор 2021 Пуксён
18+

Кык выль фельдшер-акушер пунктъёс ужаны кутскизы Можга ёросын

  • 107
  • 0
Можга / Удмуртия
Кык выль фельдшер-акушер пунктъёс ужаны кутскизы Можга ёросын
Туспуктэм: Удмуртиысь тӧролэн но кивалтэтлэн пресс-службазы

29-тӥ толсуре Можга ёросын кык выль фельдшер-акушер пунктъёс ужаны кутскизы. Со сярысь улосвыл тӧролэн но кивалтэтлэн пресс-службазы ивортӥз.

Тутайгуртысь фельдшер-акушер пунктын 129 адямилы эм юрттэт сётозы, со пӧлын 18 аресозь 11 пиналъёслы. Азьвылэз, 1968-тӥ арысен пу юртын ужась медпунктсы, пуэн эстӥськиз. Соин ик гуртоос туала куронъёслы тупась юртэз кема возьмазы.

Отчы тужгес выль эм тӥрлык басьтэмын – дефибриллятор, электрокардиограф, нылкышноосты эскерон висъетлы тӥрлык, процедура лэсьтон висъет, холестеринэз, сакырез мертась экспресс-анализаторъёс – ваньмыз, мар кулэ вылӥ ӟечлыкен эм юрттэт сётон понна
Эльвира Пинчук, Удмуртиысь кивалтэтлэн тӧроезлэн воштӥсез

Тутайгуртысь ФАП «Здравоохранение» йӧскалык ӵектосъя Удмуртиын пуктэм но пуктӥськись 88 медпунктъёс пӧлысь нырысетӥез луэ.

Элькунысь тазалыкез утёнъя министр Георгий Щербак лэсьтӥськисьёслы вакчи дыр куспын туала юрт пуктэмзы понна тау кариз.

Озьы ик бадӟым тау Тутайгуртын улӥсьёслы но татын 40 ар пала ни ужась фельдшерлы Людмила Конваловалы – соослэн мыло-кыдо, ужась лмэмзы но гуртысьтызы улонэз умойгес карыны тыршемзы понна
Георгий Щербак, Удмуртиысь тазалыкез утёнъя министр

Эшшо одӥге выль ФАП Сардан станциын усьтӥськиз. Отын 570 адями тазалыксэ эскероз, со пӧлын 69 пиналъёс.

«Здравоохранение» йӧскалык ӵектос улсын Можга ёросын 2020-2021-тӥ аръёсы ньыль фельдшер-акушер пунктъёс пуктозы. 

Тодэ вайытом, Пичи Пурга ёросын 2020-тӥ арын куать фельдшер-акушер пунктъёс ӝутозы



Наверх
Вниз