Ижкар-1 °C
25 -тӥ толшор 2021 Вордӥськон
18+

35 эмъюртъёсын тупатъян ужъёс ортчытӥзы Удмуртиын 2020-тӥ арын

  • 56
  • 0
Ижкар / Удмуртия
35 эмъюртъёсын тупатъян ужъёс ортчытӥзы Удмуртиын 2020-тӥ арын
Туспуктэм: Григорий Фомин

2020-тӥ арын Удмуртиын 35 эмъюртъёсын тупатъян ужъёсты ортчытӥзы. Тазалыкез утён удысын вощтӥськонъёс сярысь элькунлэн тӧроез Александр Бречалов 29-тӥ толсуре мерлыко вотэсъёсын меӵак эфирез дыръя ивортӥз.

«Та ар туж троссэ воштӥз, тазалыкез утён сӧзнэтын гинэ овӧл, каылклэн со шоры учконаз но. Ми эмъюртъёсын тупатъян ужъёслы но оборудование басьтыны ватсаса коньдон шедьтыны кулэ луимы. Бадӟым юрттэт федерал коньдэтысь басьтӥм. Озьы чакламезлсэь шӧдскымон тросгес лэсьтӥм

Бреч

Ортчись арын Ижкарысь 1, 6, 8 номеро эмъюртъёсын, пыктос висёнъёсъя элькун эмъяськонниын рос-прос тупатъян ужъёс нуизы. Та дыре Ижкарысь 3, 4, 9 номеро эмъюртъёсын но 8 номеро нылпи поликлиникаын ужъёс азьаньтӥсько на. Та нуналъёсы гинэ Глазкарысь ёроскуспо нылпи поликлиникаын рентген кабинетэз вылдон ужъёсты йылпумъязы. 2021-тӥ арын тупатъян ужъёсты азьланьтозы. Со сяна, Сьӧлтаысь ёрос эмъяськоннилэн стационараз выльдон ужъёсты азьланьтозы.

Эшшо одӥгез валтӥсез удыс – «Здравоохранение» йӧскалык ӵектос улсын фельдшер-акушер пунктъёсты пуктон. 29-тӥ толсуре Можга ёросын кык выль ФАП-ёсты усьтӥзы. Вуоно арын Вотка ёросысь Пихтовка гуртын лэсьтозы. Йӧскалык ӵектос улсын оглом 88 медпунктъёс пуктыны чакламын.

Элькунысь эмъюртъёсы туэ котькулэсь трос тӥрлык басьтӥзы – 600-лэсь трос.

«Ми пыктос висёнъёсъя элькун эмъюртысь ужан тӥрлыкез выльдӥм. Оглом отчы 100 пала тӥрлык басьтэмын, со пӧлын тыосты шокатӥсь аппаратъёс, наркоз сётӥсь аппаратъёс, хириргической мониторъёс. Выль техника басьтмэын элькунысь сосудистой центре но кык сосудистой ёзэтъёсы: ангиографъёс, сюлэмез но вирсэръёсты эскерыны УЗИ-аппаратъёс – оглом 17 единица. Трос аръем ужпумез сэрттыны-пертчыны но нылпи поликлиникаослы 69 единица оборудование басьтыны луиз, со пӧлын 14 рентген-аппаратъёс. Ӵапак та пумысен анай-атайёслэсь туж трос юанъёс вуылӥзы

Бреч

Туннэ Удмуртиын 17 компьютер томографъёс ужало, со пӧлысь укмысэз коронавирусэз шараян понна. 2021-тӥ арын эшшо куать аппарат басьтозы - Сарапулысь кар эмъяськонние, Можга но Вотка ёрос эмъяськонниосы, Ижысь 3, 7, 9 номеро кар эмъяськонниосы. 



Наверх
Вниз