Коронавируслэсь прививкаез тросэн пуктон чакланъёсъя толшор пумын – тулыспал кутсконын ӧдъялоз. Элькунэ 25 сюрс доза вакцина возьмало. Со сярысь элькун тӧролэн но кивалтэтлэн пресс-службазы ивортӥз.
Удмуртие коронавирус инфекцилэсь «Спутник V» (Гам-Ковид-Вак) вакциналэн 5 сюрс 442 дозаез вуиз ни. Та дырлы 910 адями прививка пуктӥз, со пӧлысь 76-ез кыкетӥзэ басьтӥзы ни.
Вакцина пуктэмъёс пӧлын 60 ареслэсь бадӟым 12 адями
Тодэ вайытом, Россиысь тазалыкез утёнъя министерство вакцинациез нырысь ик ортчытоно группаосты пусйиз:
- эм, дышетон, калыклы мерлыко юрттэт сётон удысын, МФЦ-ын ужасьёс, озьы ик калыклы мерлыко юрттэт сётонъя огазеяськонъёсын улӥсьёс но ялан кыстӥськись висёнъёсын адямиос;
- транспорт но дыкужым огазеяськонъёсын ужасьёс, вахтаен ужасьёс, волонтёръёс, юрттэт сётон удысын ужасьёс;
- колледжъёсысь но вылӥ дышетсконниосысь 18 арессэс ортчем студентъёс, ожгар службае басьтоно муртъёс.
Тодэ вайытом, азьвылгес Удмуртие 2 сюрс 700-лэсь трос доза вакцина вуиз шуыса ивортӥзы вал, прививка 722 адями пуктӥз.