21-тӥ толшорлы Удмуртиын коронавирусэн 189 черламъёсты. Со сярысь элькунысь оперативной штаб ивортӥз.
Диагноззы Ижкарын 80 улӥсьёслэн зэмаз, Глазкарын – 30, Эгра ёросын – укмыс, Дэбес ёросын – тямыс, Дэри ёросын – сизьым, Якшур-Бӧдья ёросын – куать, Вавож, Красногорск, Можга, Ува ёросъёсын – быдэн вить, Яр, Пичи Пурга, Кез ёросъёсын – быдэн ньыль, Юкаменск, Глаз, Грак ёросъёсын – быдэн куинь, Алнаш ёросын – кык, Сьӧлта ёросын – одӥг.
Туннэ нуналлы Удмуртиын выль коронавирус инфекциен черлан 24 сюрс 027 учыр лабораториосын зэматэмын. 20 сюрс 160 адями йӧназ, 321 мурт кулӥз. Та дыре 139 висисьёслэн тазалыксы секыт лыдъяське.
Элькунын выль коронавиурс инфекцилы 794 сюрс 305 эскеронъёс ортчытӥзы, берло нуналскын – 2 сюрс 360.
Тодэ вайытом, берло кык нунал ӵоже элькунын 467 адями коронавируслэсь вакцина пуктӥз.