Удмуртиысь куинез ковид-центръёс – Ижкарысь 8 номеро кар эмъяськонни, Сарапулысь кар эмъяськонни но Воткаысь ёрос эмъяськонни – азьвыл сямен ужан радлыке выжозы. Со сярысь элькунысь тазалыкез утёнъя министерстволэн пресс-службаез ивортӥз.
18-тӥ толшорысен эмъяськонниосы коронавирусэн висисьёсты уг куто ни. Отын али эмъяськисьёсты толшор пумозь возёзы на, со бере кинэ ке доразы лэзёзы, кинэ ке мукет ковид-центръёсы выжтозы.
8 номеро эмъюртын 458 койка, али 238-яз висисьёс кыллё, Сарапулысь кар эмъртын 115 койка (113-яз кыллё), Воткаысь ёрос эмъюртын – 80 инты (62-аз кыллё). Та эмъяськонниосты ковид-центръёс пӧлысь поттэм бере, Удмуртиын коронавирусэн вивисьёс понна 2 сюрс 349 койкаос кылёзы, со пӧлысь 1 сюрс 83-ез доры кислород вуэ, 242-ез бордын тыосты шокатӥсь аппарат вань.
Тодэ вайытом, Удмуртиын коронавирус инфекцилэсь вакцинацилы сӥзем сайт ужаны кутскиз.