Ижкар-13 °C
28 -тӥ тулыспал 2021 Воскресенье
18+

3 сюрс 400-лэсь трос адями коронавируслэсь прививка пуктыны гожтӥськиз арня ӵоже Удмуртиын

  • 65
  • 0
Ижкар / Удмуртия
3 сюрс 400-лэсь трос адями коронавируслэсь прививка пуктыны гожтӥськиз арня ӵоже Удмуртиын
Туспуктэм: Константин Вознесенских

Коронавирус инфекцилэсь прививкаез трос калыклы пуктыны кутскем дырысен, 18-тӥ толшорысен, Удмуртиын вакцинацие черодэ 3 сюрс 400-лэсь трос адями гожтӥськиз. Со сярысь элькунысь тазалыкез утёнъя министерстволэн пресс-службаез ивортӥз.

415 адями коронавирусэн нюръяськонъя визь-кенеш центр пыр гожтӥськиз, 491 адями – Госуслуги портал пыр, 500 пала адями - эмъюртъёслэн регистратураоссы пыр. 2 сюрс пала адями огазеям группаосын прививкае ветлыны дась.

22-тӥ толшорлы элькунын вакциналэсь нырысетӥ дозазэ 3 сюрс 250 адями басьтӥз, кыкетӥзэ – 720 мурт. Озьыен, 18-22 толшоре Удмуртиын 2 сюрс 208 адями вакцинациез нырысьсэ ортчиз

Али прививка пуктыны гожтӥськыны луэ: Госуслуги портал пыр (буш интыос вань ке), улон интыя поликлиникадылэн регистратураез пыр яке колл-центре 8-800-100-24-47 номеръя жингыртыса.

Пусъём, коронавируслэсь прививка Удмуртиын арняяз кык пол пуктыло – вирнуналъёсы огазеям группаослы но кӧснуналъёсы вань мылкыд карисьёслы. Вакцинаци сярысь вань иворъёсты нимысьтыз сайтысь тодыны луэ.

Тодэ вайытом, тулыспалэ Удмуртиысь куинез ковид-центръёс азьвыл сямен ужан радлыказы выжозы



Наверх
Вниз