Ижкар+12 °C
16 -тӥ оштолэзь 2021 Удмуртарня
18+

Эшшо 94 адямилэсь коронавирус инфекциез шедьтӥзы Удмуртиын

  • 1607
  • 0
Ижкар / Россия
Эшшо 94 адямилэсь коронавирус инфекциез шедьтӥзы Удмуртиын
Туспуктэм: Алексей Арзамасцев

19-тӥ тулыспаллы Удмуртиын коронавирус инфекциен черлан 94 выль учыръёсты шараязы. Соос пӧлын 14 аресозь вить пиналъёс но 65 арессэс ортчем 26 муртъёс. Со сярысь элькунысь оперативной штаб ивортӥз.

Диагноззы Ижкарын 34 улӥсьёслэн зэмаз, Глазкарын – 11, Балезино ёросын – укмыс, Дэри ёросын – сизьым, Ува ёросын – куать, Сарапулын – вить, Кияса ёросын – ньыль, Глаз, Грак, Кез, Эгра, Яр ёросъёсын, Можгаын – быдэн кык, Алнаш, Кизнер, Можга, Сарапул, Шаркан, Якшур-Бӧдья ёросъёсын – быдэн одӥг адямилэн.

93 мурт висёнэз вормиз. 79 аресъем воргорон улонысь кошкиз

Туннэ нуналлы Удмуртиын выль коронавирус инфекциен черлан 27 сюрс 473 учыр лабораториосын зэматэмын. 24 сюрс 93 адями йӧназ, 359 мурт кулӥз. Та дыре 103 висисьёслэн тазалыксы секыт лыдъяське.

Элькунын выль коронавирус инфекцилы 861 сюрс 541 эскеронъёс ортчытӥзы, берло нуналскын – 1 сюрс 902.

18-тӥ тулыспаллы Удмуртиын 20 сюрс 550 адями коронавируслэсь прививка пуктӥз, со пӧлысь 4 сюрс 376 мурт кыкетӥ компонентсэ басьтӥзы ни.



Наверх
Вниз