Ижкар+1 °C
13 -тӥ оштолэзь 2021 Пуксён
18+

43 литр вир сётӥзы Ижкарын «Донорская весна» ужрадэ пыриськисьёс

  • 528
  • 0
Ижкар / Удмуртия
43 литр вир сётӥзы Ижкарын «Донорская весна» ужрадэ пыриськисьёс
Туспуктэм: vk.com (Министерство спорта и молодежной политики УР/волонтёръёслэн газетсы)

30-тӥ южтолэзе Вир басьтонъя элькун станциын куаетӥ ползэ «Донорская весна» ужрад ортчиз. Со улсын 43 литр вир сётӥзы, ивортӥз Удмуртиысь физкультурая, спортъя но егитъёсын ужан политикая министерстволэн пресс-службаез.

Ужрадэ оглом 100-лэсь трос адями пыриськиз. Егит пинь эмъясь эмчи Константин Глазырин нырысьсэ вирзэ сётӥз, но та вамыш сярысь 8 ар малпаськиз.

Эм академиын дышетскыкум вирме ӧз басьтылэ – секталае ӧз тырмылы. Соку мон капчи атлетикае выри, туж чиед вал. Собере армия. Бӧрысь коронавирусъя пандемия. Али югдур огсыр луиз, секталае но будӥз, лыктӥ. Туж шумпотӥсько, пӧрмиз шуыса, мынам вире кинлы ке юрттоз шуыса оскисько. 3 толэзь ортчыса одно ик берытско, сьӧрам эшъёсме но ваё
Константин Глазырин, «Донорская весна» ужрадэ пыриськись

Вир басьтонъя станцие егитъёс гинэ ӧвӧл, бадӟымъёс но вуизы. Озьы ик карысь школаосын донорствоя урокъёсы пыриськемъёс, алигес быдэ вуэмъёс лыктӥзы. Палэнэ ӧз кыле алигес быдэ вуэмъёс но, сыӵеос 12 кузя вал.

Асьмеос дышемын донорствоез мукет адямилы юрттонэн, ӟеч ужен лыдъяны. Но зэмзэ ке, котькуд донор тодэ, со аслыз но пайдаё луэ!
Ольга Лихачёва, «Донорская весна» акцилэн координаторез

Егитъёслэн акцизылы Удмуртиысь кивалтэтлэн тӧроез Ярослав Семёнов, кивалтэтлэн тӧроезлэн воштӥсез – гурт возёсъя но сиён-юонъя министр Ольга Абрамова, кивалтэтлэн тӧроезлэн воштӥсез Эльвира Пинчук дурбасьтӥзы.

Ужрадэ пыриськисьёслы волонтёръёс юрттӥзы, соос анкетаос сётъязы, валэктон уж нуизы. 

Тодэ вайытом, коронавирус вӧлмыны кутскем дырысен вир басьтонъя станция ужзэ ӧз дугдытъя ке но, вир сётыны ветлӥсьёс шӧдскымон ӧжытгес луизы. 



Наверх
Вниз