Ижкар+1 °C
13 -тӥ оштолэзь 2021 Пуксён
18+

Дэри ёрос эмъяськонни азьвыл ужан радлыказ берытскиз

  • 429
  • 0
Дэри / Удмуртия
Дэри ёрос эмъяськонни азьвыл ужан радлыказ берытскиз
Туспуктэм: vk.com (Константин Русинов)

Дэри ёрос эмъяськонни азьвыл ужан радлыказ берытскиз. 31-тӥ южтолэзе ковид-центр нимлыко ворсамын. Со сярысь ёрослэн тӧроез Константин Русинов «ВКонтакте» мерлыко вотэсысь бамаз ивортӥз.

2020-тӥ арысь южтолэзьысен эмъяськонниын коронавирусэн висись 3 сюрс 500 адями юрттэт басьтӥз.

Константин Русиновлэн кылъёсызъя, ар ӵоже эмъяськонние пӧртэм эм тӥрлык вуиз.

Эмчиослы ужаны вить санитар транспорт, КТ, УЗИ аппаратъёс, тыосты шокатӥсь аппарат, цифровой рентген тӥрлык. Эмъяськонни 20 выль ӧнерчиос вуизы, соос пӧлын эндокринолог но кардиолог
Константин Русинов, Дэри ёрослэн тӧроез

1-тӥ оштолэзьысен Дэри ёрос эмъяськонниын гинекология, неврология, терапия, хирургия ёзэтъёсын но нылпиослэн паласькись висёнъёссыя ёзэтын вань кулэ юрттэт сётыны кутскизы. 



Наверх
Вниз