Ижкар+1 °C
13 -тӥ оштолэзь 2021 Пуксён
18+

Коронавирусэн черлан 78 выль учыръёсты пусйизы Удмуртиын

  • 290
  • 0
Ижкар / Удмуртия
Коронавирусэн черлан 78 выль учыръёсты пусйизы Удмуртиын
Туспуктэм: Григорий Фомин

8-тӥ оштолэзьлы Удмуртиын коронавирусэн черлан 78 выль учыръёсты пусйизы. Висьыны усемъёс пӧлын 14 аресозь 13 пиналъёс но 65 арессэс ортчем 14 адямиос. Со сярысь элькунысь оперативной штаб ивортӥз.

Выль черламъёс пӧлын Ижкарын 35 улӥсьёс, Глазкарын – 12, Шаркан ёросын, Воткаын – быдэн вить, Сарапул, Дэри ёросъёсын – быдэн ньыль, Глаз ёросын – куинь, Алнаш, Балезино, Дэбес ёросъёсын – быдэн кык, Вавож, Вотка, Эгра, Камбарка ёросъёсын – быдэн одӥг.

75 адями висёнэз вормиз

Туннэ нуналлы Удмуртиын выль коронавирус инфекциен черлан 31 сюрс 368 учыр лабораториосын зэматэмын. 27 сюрс 893 адями йӧназ, 393 мурт кулӥз. Та дыре 85 висисьёслэн тазалыксы секыт лыдъяське.

Элькунын выль коронавирус инфекцилы 990 сюрс 427 эскеронъёс ортчытӥзы, берло нуналскын – 2 сюрс 916.

1-тӥ оштолэзьлы Удмуртиын 53 сюрс 337 адями коронавируслэсь прививка пуктӥз, со пӧлысь 38 сюрс 863-ез кыкетӥ люкетсэ но басьтӥзы ни.



Наверх
Вниз