Ижкар+17 °C
21 -тӥ инвожо 2021 Вордӥськон
18+

Коронавирусэн 55 выль черламъёсты пусйизы Удмуртиын

  • 177
  • 0
Ижкар / Удмуртия
Коронавирусэн 55 выль черламъёсты пусйизы Удмуртиын
Туспуктэм: Константин Вознесенских

28-тӥ оштолэзьлы Удмуртиын коронавирус инфекциен черлан 55 выль учыръёсты шараязы. Висьыны усемъёс пӧлын 14 аресозь укмыс пиналъёс но 65 арессэс ортчем ньыль кунмуртъёс. Со сярысь элькунысь оперативной штаб ивортӥз.

Диагноззы Ижкарын 27 улӥсьёслэн зэмаз, Ува ёросын – тямыс, Глазкарын, Воткаын – быдэн ньыль, Шаркан ёросын – куинь, Дэбес, Пичи Пурга, Грак ёросъёсын – быдэн кык, Можгаын, Яр, Красногорск ёросъёсын - быдэн одӥг.

62 адями висёнэз вормиз

Туннэ нуналлы Удмуртиын выль коронавирус инфекциен черлан 32 сюрс 665 учыр лабораториосын зэматэмын. 29 сюрс 335 адями йӧназ, 413 мурт кулӥз. Та дыре 57 висисьёслэн тазалыксы секыт лыдъяське.

Элькунын выль коронавирус инфекцилы 1 миллион 50 сюрс 431 эскеронъёс ортчытӥзы, берло нуналскын – 2 сюрс 529.

28-тӥ оштолэзьлы Удмуртиын 85 сюрс 104 адями коронавируслэсь прививка пуктӥз, со пӧлысь 49 сюрс 968-эз кыкетӥ люкетсэ но басьтӥзы ни.

Тодэ вайытом, 27-тӥ оштолэзе Удмуртие «КовиВак» выль вакциналэн нырысетӥ партиез вуиз.



Наверх
Вниз