Ижкар+2 °C
28 -тӥ коньывуон 2021 Покчиарня
18+

Куинь ёросъёсысь гуртъёсын выль фельдшер-акушер пунктъёс ужаны кутскизы

  • 209
  • 0
Дэри / Удмуртия
Куинь ёросъёсысь гуртъёсын выль фельдшер-акушер пунктъёс ужаны кутскизы
Туспуктэм: Григорий Фомин

Дэри, Шаркан но Можга ёросъёсысь гуртъёсын выль фельдшер-акушер пунктъёс ужаны кутскизы. Со сярысь элькун тӧролэн но кивалтэтлэн пресс-службазы ивортӥз.

Дэри ёросын выль ФАП-ёс Сэпыч, Макарово, Лудӟыл гуртъёсын усьтӥськизы, Шаркан ёросын – Кечгуртын, Можга ёросын – Бадӟымсурдын

Котькуд фельдшер-акушер пунктын смотровой, процедураослы, приёмлы, стерилизацилы кабинетъёс, эм препаратъёсты возён висъет, эмъюрттэт курыса вазиськисьёслы черод возьман инты но санузел вань. Со сяна, ваньмаз ужъюртъёсы кулэ луись мебель пуктэмын но электрокардиограф, дефибриллятор, тонометр, пульсоксиметр но мукет ужан тӥрлык басьтэмын.

Ваньзэ ФАП-ёсты «Здравоохранение» йӧскалык ӵектос улсын пуктӥзы.

Пусъём, элькунамы йӧскалык ӵектос улсын туэ 48 фельдшер-акушер пунктъёс усьтӥзы ини, ар пумозь лыдпусэз 87-озь вуттозы. Собере шаерамы 40 ФАП-ёсты воштыны кылёз на. Нош туннэ нуналлы элькунын оглом 578 ФАП-ёс ужало.

Тодэ вайытом, Шаркан ёросын фельдшер-акушер пунктъёс эшшо кык гуртын усьтӥзы, озьы ик азьвылгес выль ФАП-ёс Алнаш ёросын ужаны кутскизы.



Наверх
Вниз