Ижкар-4 °C
5 -тӥ толсур 2021 Воскресенье
18+

Выль сюбегатонъёс кутозы Удмуртиын коронавирус инфекци вӧлмонэз алон понна

  • 169
  • 0
Ижкар / Удмуртия
Выль сюбегатонъёс кутозы Удмуртиын коронавирус инфекци вӧлмонэз алон понна
Туспуктэм: Константин Вознесенских

Удмуртиын коронавирус инфекци вӧлмонэз алон понна выль сюбегатонъёс кутозы. Югдур сярысь улосвыл оперштаблэн кенешоназ вераськизы.

Элькунын коронавирус инфекциен висисьёслэн лыдзы йылэ но йылэ. Берло уй-нунал ӵоже 276 выль черламъёсты шараязы, 192 адями йӧназ. Нош оглом пандемия кутскем дырысен улосвылын коронавирусэн 54 сюрс 519 мурт висиз.

Элькун кивалтэтлэн тӧроезлэн воштӥсез Эльвира Пинчук пусйиз, туннэ нуналлы эмъюртъёсын 3 сюрс 436 висисьёс эмъясько шуыса. Соос пӧлысь 22-ез – нылпиос.

Тросэз пациентъёс шоро-куспо яке секытэн висё. Берло арня ӵоже эмъюртъёсы сюремъёслэн лыдзы 9,2 процентлы йылӥз (291 адямилы). Та дырлы ковидэн висисьёслы, 2020-тӥ арын секыт вакытэн ӵошатыса, 1 сюрслэсь трос койкаос дасямын ини. Оглом 3 сюрс 760 интыос
Эльвира Пинчук, элькун кивалтэтлэн тӧроезлэн воштӥсез

Нош прививка пуктэмъёслэн лыдзы элькунын, вакцинациез ортчыны быгатӥсьёс пӧлын, 43,4 процент гинэ (400 сюрс 988 адями), вераз Эльвира Пинчук. Ужлэн ӝоглыкез но ушъяськымон ӧвӧл - берло нуналъёсы вакцинаез уй-нунал ӵоже 1,7-1,8 сюрс адями басьтӥз.

Элькун кивалтэтлэн тӧроез Ярослав Семёнов югдур висисьёслэсь лыдзэс кулэстон понна выль сюбегатонъёс пыртэмез кулэ каре шуиз.

Озьы, 11-тӥ коньывуонысен калыкен но концерт ужрадъёсты ортчытъяны лэземын уз луы. Со сяна, вузкарон интыосысь нылпиослы шудон висъетъёсты ворсалозы. Калыкез сюдон интыос 23 часысен 7 часозь ворсаськылозы

Ми адӟиськом, кӧня уж усе тазалыкез утён сӧзнэт вылэ, соин ик прививка пуктэм кунмуртъёсмылэн лыдзы мед йылоз шуыса, пумкылъянъёс кутыны кулэ. Соин валче тазалыкез утёнъя министерство Роспотребнадзорлы одно ик вакцинациез ортчоно категориосын лыдмет дасялоз. Нырысь ик вераськон мынэ калыкен ужасьёс сярысь, кудъёсыз прививкатэк трос муртэ черланы быгато. Асьме дорын али вакцинацилы чаклам 128 пунктъёс ужало, вакцина тырмыт
Ярослав Семёнов, элькун кивалтэтлэн тӧроез

Ярослав Семёнов пусйиз, 5-тӥ коньывуонысен элькунын мер транспортын маскаос нуллон режимез чакланъя рейдъёс кутскозы. Косонэз тӥясьёслы штрафъёс гожтозы.

Ваньмыз со ужрадъёс элькунамы висён вӧлмонэз дугдытон понна кулэ
Ярослав Семёнов, элькун кивалтэтлэн тӧроез

Тодэ вайытом, кемалась ик ӧвӧл элькунын коронавирус инфекци вӧлмонэз алон понна фуд-кортъёслэн уженызы но мерлыко ужрадъёсын герӟаськем сюбегатонъёс кутӥзы вал. 



Наверх
Вниз