Ижкар-4 °C
5 -тӥ толсур 2021 Воскресенье
18+

Эшшо 280 муртлэсь коронавирус инфекциез шедьтӥзы Удмуртиын

  • 152
  • 0
Ижкар / Удмуртия
Эшшо 280 муртлэсь коронавирус инфекциез шедьтӥзы Удмуртиын
Туспуктэм: Руслан Нуриахметов

5-тӥ коньывуонлы Удмуртиын эшшо 280 муртлэсь коронавирус инфекциез шараязы. Висьыны усемъёс пӧлын 19 пиналъёс но 65 арессэс ортчем 41 арлыдоос. Со сярысь элькунысь оперативной штаб ивортӥз.

Диагноззы Ижкарын 153 улӥсьёслэн зэмаз, Эгра ёросын – 18, Дэриё росын – 17, Воктаын – 16, Дэбес ёросын – 13, Глазкарын – 12, Можга ёросын – 10, Кизнер ёросын – укмыс, Сарапул ёросын – сизьым, Можгаын, Ува ёросын – быдэн вить, Сарапулын – ньыль, Юкаменск, Грак ёросъёсын – куинь, Красногорск ёросын – кык, Пичи Пурга, Балезино, Вавож ёросъёсын – быдэн одӥг.

178 адями йӧназ. 30 мурт кулӥз. Соос пӧлын 53 аресысен 95 аресозь 18 нылкышноос но 25 аресысен 86 аресозь 12 пиосмуртъёс

Туннэ нуналлы Удмуртиын коронавиурсэн черлан 54 сюрс 799 учыр лабораториосын зэматэмын. 44 сюрс 150 адями йӧназ, 2 сюрс 158 мурт улонысь кошкиз. Та дыре 558 висисьёслэн тазалыксы секыт лыдъяське.

Оглом элькунын коронавируслы 1 миллион 780 сюрс 484 эскеронъёс ортчытӥзы ни, берло нуналскын – 4 сюрс 447.

Коронавирус инфекцилэсь прививка 400 сюрс 993 адями пуктӥз, со пӧлысь 328 сюрс 160 мурт кыкетӥ компонентсэ но басьтӥз ни. Одӥг компонентъем «Спутник Лайт» вакцинаен прививка 46 сюрс 203 мурт пуктӥз.



Наверх
Вниз