Ижкар-4 °C
5 -тӥ толсур 2021 Воскресенье
18+

Коронавирусэн 288 выль черламъёсты шараязы Удмуртиын

  • 175
  • 0
Ижкар / Удмуртия
Коронавирусэн 288 выль черламъёсты шараязы Удмуртиын
Туспуктэм: Константин Вознесенских

7-тӥ коньывуонлы Удмуртиын коронавирусэн 288 выль черламъёсты шараязы. Висьыны усемъёс пӧлын 36 пиналъёс, 65 арессэс ортчем 90 арлыдоос. Со сярысь элькунысь оперативной штаб ивортӥз.

Диагноззы Ижкарын 144 улӥсьёслэн зэмаз, Воткаын – 35, Сарапулын – 30, Эгра ёросын – 29, Глазкарын – 12, Ува, Балезино ёросъёсын – быдэн сизьым, Кизнер ёросын – вить, Можга, Красногорск, Сарапул ёросъёсын – быдэн куинь, Можгаын, Алнаш, Глаз ёросъёсын – быдэн кык, Вавож, Дэри, Пичи Пурга, Сюмси ёросъёсын – быдэн одӥг.

224 мурт йӧназ. 11 адями улонысь кошкиз. Кышномуртъёслы 69, 70, 74, 80, кыкезлы 81, 84 арес вал, воргоронъёслы – 63, 66, 68, 73 арес

Туннэ нуналлы Удмуртиын коронавирусэн черлан 55 сюрс 371 учыр лабораториосын зэматэмын. 44 сюрс 547 адями йӧназ, 2 сюрс 182 мурт улонысь кошкиз. Та дыре 575 висисьёслэн тазалыксы секыт лыдъяське.

Оглом элькунын коронавируслы 1 миллион 796 сюрс 468 эскеронъёс ортчытӥзы ни, берло нуналскын – 8 сюрс 596.

Коронавирус инфекцилэсь прививка 404 сюрс 783 адями пуктӥз, со пӧлысь 329 сюрс 330 мурт кыкетӥ компонентсэ но басьтӥз ни. Одӥг компонентъем «Спутник Лайт» вакцинаен прививка 47 сюрс 918 мурт пуктӥз.



Наверх
Вниз