Ижкар-4 °C
5 -тӥ толсур 2021 Воскресенье
18+

300-лэсь трос адямилэсь коронавирусэз шараязы Удмуртиын берло нуналскын

  • 186
  • 0
Ижкар / Удмуртия
300-лэсь трос адямилэсь коронавирусэз шараязы Удмуртиын берло нуналскын
Туспуктэм: Константин Вознесенских

8-тӥ коньывуонэ Удмуртиын коронавирусэн черлан 301 выль учыръёсты пусйизы. Висьыны усемъёс пӧлын 61 пиналъёс но 65 арессэс ортчем 81 арлыдоос. Со сярысь элькунысь оперативной штаб ивортӥз.

Диагноззы Ижкарын 144 улӥсьёслэн зэмаз, Эгра ёросын – 23, Воткаын – 18, Ува ёросын – 14, Сарапулын – 14, Глазкарын – 13, Сюмси ёросын – 10, Балезино ёросын – укмыс, Сьӧлта ёросын – сизьым, Можгаын, Дэбес ёросын – быдэн куать, Можга, Вотка, Красногорск ёросъёсын – быдэн ньыль, Дэри, Кизнер, Кез ёросъёсын – быдэн куинь, Алнаш, Грак ёросъёсын – быдэн кык, Пичи Пурга, Шаркан ёросъёсын – быдэн одӥг муртлэн.

135 адями йӧназ. 21 мурт кулӥз. Кышномуртъёслы 57, 63, 65, 66, 72, 74, кыкезлы 83, 85, 87, 92 арес вал, воргоронъёслы – 60, 61, кыкезлы 69, 76, кыкезлы 80, 81, 82, 84 арес

Туннэ нуналлы Удмуртиын коронавирусэн черлан 55 сюрс 672 учыр лабораториосын зэматэмын. 44 сюрс 682 адями йӧназ, 2 сюрс 203 мурт улонысь кошкиз. Та дыре 558 висисьёслэн тазалыксы секыт лыдъяське.

Оглом элькунын коронавируслы 1 миллион 805 сюрс 376 эскеронъёс ортчытӥзы ни, берло нуналскын – 8 сюрс 908.

Коронавирус инфекцилэсь прививка 406 сюрс 930 адями пуктӥз, со пӧлысь 330 сюрс 30 мурт кыкетӥ компонентсэ но басьтӥз ни. Одӥг компонентъем «Спутник Лайт» вакцинаен прививка 48 сюрс 887 мурт пуктӥз.



Наверх
Вниз