Ижкар-4 °C
5 -тӥ толсур 2021 Воскресенье
18+

Коронавирусэн 315 выль черламъёсты шараязы Удмуртиын берло нуналскын

  • 143
  • 0
Ижкар / Удмуртия
Коронавирусэн 315 выль черламъёсты шараязы Удмуртиын берло нуналскын
Туспуктэм: Константин Вознесенских

11-тӥ коньывуонэ Удмуртиын коронавирусэн 315 выль черламъёсты шараязы. Висьыны усемъёс пӧлын 25 пиналъёс но 65 арессэс ортчем 80 арлыдоос. Со сярысь элькунысь оперативной штаб ивортӥз.

Диагноззы Ижкарын 139 улӥсьёслэн зэмаз, Воткаын – 40, Можгаын – 31, Глазкарын – 21, Сарапулын – 20, Ува, Балезино ёросъёсын – быдэн 11, Можга ёросын – сизьым, Юкаменск, Каракулино, Пичи Пурга, Яр ёросъёсын – быдэн вить, Якшур-Бӧдья, Грак ёросъёсын – быдэн куинь, Алнаш, Дэри, Сарапул, Сьӧлта ёросъёсын – быдэн кык, Глаз ёросын – одӥг.

295 адями йӧназ. 30 мурт кулӥз. Кышномуртъёслы 29, 52, 59, 65, 66, 72, 73, 74, 77, 78, 79, 82, 83, 84, кыкезлы 85, 86, 88 арес вал, воргоронъёслы – 43, 55, 60, 63, 66, 74, 80, 81, 82, 84, 85, 89 арес

Туннэ нуналлы Удмуртиын коронавирусэн черлан 56 сюрс 605 учыр лабораториосын зэматэмын. 45 сюрс 431 адями йӧназ, 2 сюрс 295 мурт улонысь кошкиз. Та дыре 615 висисьёслэн тазалыксы секыт лыдъяське.

Оглом элькунын коронавируслы 1 миллион 830 сюрс 352 эскеронъёс ортчытӥзы ни, берло нуналскын – 7 сюрс 667.

Коронавирус инфекцилэсь прививка 410 сюрс 165 адями пуктӥз, со пӧлысь 330 сюрс 772 мурт кыкетӥ компонентсэ но басьтӥз ни. Одӥг компонентъем «Спутник Лайт» вакцинаен прививка 50 сюрс 187 мурт пуктӥз.



Наверх
Вниз