Ижкар-4 °C
2 -тӥ толсур 2021 Покчиарня
18+

331 сюрслэсь трос адями коронавируслы пумит вакцинацилэсь быдэс курссэ ортчиз Удмуртиын

  • 269
  • 0
Ижкар / Удмуртия
331 сюрслэсь трос адями коронавируслы пумит вакцинацилэсь быдэс курссэ ортчиз Удмуртиын
Туспуктэм: Анжелика Тихонова

11-тӥ коньывуонлы Удмуртиын коронавируслы пумит вакциналэсь нырысетӥ компонентсэ 362 сюрс 628 адями пуктӥз, со пӧлын 60 арессэс ортчем 138 сюрс 100 арлыдоос. Быдэс курсэз 331 сюрс 738 мурт ортчиз, со пӧлын 120 сюрс 136 пересьёс. Сыӵе лыдпусъёсты шараяз Роспотребнадзорлэн элькунъя управлениезлэн пресс-службаез.

Со сяна, одӥг компонентъем «Спутник Лайт» вакцинаен 52 сюрс 690 адями прививка лэсьтӥз, со пӧлын 60 арессэс ортчем 8 сюрс 133 арлыдоос.

Улосвылын дэмен иммунитет кылдон понна 80 процентэз бадӟымъёс прививка пуктыны кулэ, со 924 сюрс 245 адями

Вакцинацилэсь быдэс курссэ ортчем бере 988 мурт черлаз.

Роспотрбенадзор тодэ вайытэ, коронавируслэсь прививка пуктыса, адями ассэ утем сяна, матысь адямиосыз, семьяез, ужъюлтошъёсыз сярысь сюлмаське, инфеци вӧлмонэз дугдытон сярысь малпаське.

Тодэ вайытом, 12-тӥ коньывуонлы Удмуртиын коронавирус инфекциен 320 выль черламъёсты пусйизы, сомында висисьёсты одӥг нуналскын ӧз ша шараяллялэ вал. 11-тӥ коньывуонысен Удмуртиын выль сюбегатонъёс кужымазы пыризы. Роспотребнадзорлэн элькунъя управлениез коронавируслэсь прививка одно пуктыны кулэ категориосты пусйиз.



Наверх
Вниз