Ижкар-24 °C
6 -тӥ толсур 2021 Вордӥськон
18+

Коронавирусэн черлан 331 выль учыръёсты шараязы Удмуртиын

  • 137
  • 0
Ижкар / Удмуртия
Коронавирусэн черлан 331 выль учыръёсты шараязы Удмуртиын
Туспуктэм: Константин Вознесенских

13-тӥ коньывуонлы Удмуртиын коронавирусэн черлан 331 выль учыръёсты пусйизы. Висьыны усемъёс пӧлын 75 пиналъёс, 65 арессэс ортчем 68 арлыдоос. Со сярысь элькунысь оперативной штаб ивортӥз.

Диагноззы Ижкарын улӥсь 172 адямилэн зэмаз, Эгра ёросын – 27, Можгаын – 17, Каракулино ёросын – 15, Ува ёросын – 14, Вотка ёросын – 13, Сарапулын, Глазкарын – 11, Дэри ёросын – 10, Можга ёросын – укмыс, Красногорск ёросын – сизьым, Сюмси ёросын – куать, Балезино ёросын – вить, Сьӧлта ёросын – ньыль, Вавож, Якшур-Бӧдья ёросъёсын – быдэн куинь, Глаз, Грак ёросъёсын – быдэн кык муртлэн.

313 адями висёнэз вормиз. 30 мурт кулӥз. Кышномуртъёслы 43, 40, 58, кыкезлы 64, 66, 67, 70, 71, 72, 73, 75, 78, 80, 84, 86, кыкезлы 89, 92, 95 арес вал, воргоронъёслы – 58, 63, 66, 68, 75, 79, 80, 85, 89, 91 арес

Туннэ нуналлы Удмуртиын коронавирусэн черлан 57 сюрс 256 учыр лабораториосын зэматэмын. 45 сюрс 964 адями йӧназ, 2 сюрс 355 мурт улонысь кошкиз. Та дыре 581 висисьёслэн тазалыксы секыт лыдъяське.

Оглом элькунын коронавируслы 1 миллион 841 сюрс 379 эскеронъёс ортчытӥзы ни, берло нуналскын – 6 сюрс 601.

Коронавирус инфекцилэсь прививка 419 сюрс 242 адями пуктӥз, со пӧлысь 332 сюрс 359 мурт кыкетӥ компонентсэ но басьтӥз ни. Одӥг компонентъем «Спутник Лайт» вакцинаен прививка 54 сюрс 318 мурт пуктӥз.

Тодэ вайытом, нунал азьвыл 320 выль черламъёсты пусйизы вал.



Наверх
Вниз