Ижкар-4 °C
5 -тӥ толсур 2021 Воскресенье
18+

Коронавируслэсь прививка пуктӥсьёс берло дас нуналскын куинь поллы йылӥзы Удмуртиын

  • 220
  • 0
Ижкар / Удмуртия
Коронавируслэсь прививка пуктӥсьёс берло дас нуналскын куинь поллы йылӥзы Удмуртиын
Туспуктэм: Константин Вознесенских

Удмуртиын коронавируслэсь вакцинациез ортчисьёс берло дас нуналскын, 5-15 коньывуонэ, куинь поллы йылӥзы. Кык компонентъем вакцинаосын, озьы ик одӥг компонентъем «Спутник Лайт» вакцинаен прививка 38 сюрс 500-лэсь трос адями пуктӥз.

15-тӥ коньывуонлы тодэтъёсъя, али нуналаз 6 сюрс пала адями прививка пуктэ. Коньывуонэн ӵошатыса, со ог куинь поллы тросгес. Вакцинациез одно ортчыны кулэ луэмен адямиос шӧдскымон мыло-кылогес вазисько. Со шумпоттэ, угось туннэ висёнэз дугдытыны одӥг гинэ пайдаё амал – вакцинация
Эльвира Пинчук, Удмуртиысь кивалтэтлэн тӧроезлэн воштӥсез

15-тӥ коньывуонлы вакциналэсь нырысетӥ люкетсэ 373 сюрс 206 адями пуктӥз, кыксэ ик – 334 сюрс 823. Одӥг компонентъем «Спутник Лайт» вакцинаез 61 сюрс 372 адями пуктӥз. Озьыен, вакцинациез ортчыны быгатӥсьёс пӧлысь 47 процентэз эмчиослы вазиськизы. Удмуртиын дэмен иммунитет кылдытон понна 80 процентэз бадӟымъёс, 924 сюрс адями, прививка пуктыны кулэ.

Вакцинацие 18 ареслэсь бадӟым адямиос пыриськыны быгато. Прививкаез улон интыя поликлиникаын яке Мер тазалыкъя центрын (Ижкар, Октябрьлы 50 ар нимо площадь, 21) пуктыны луэ. Центр 8 часысен 19 часозь ужа, шутэтскон нуналъёсы – 10 часысен 16 часозь.

Тодэ вайытом, туннэ нуналлы Удмуртиын 355 выль черламъёсты, 36 кулэмъёсты пусйизы



Наверх
Вниз