Ижкар-4 °C
5 -тӥ толсур 2021 Воскресенье
18+

Удмуртиын одӥг сюрслэсь трос адями коронавирусэн выльысь висиз

  • 227
  • 0
Ижкар / Удмуртия
Удмуртиын одӥг сюрслэсь трос адями коронавирусэн выльысь висиз
Туспуктэм: Константин Вознесенских

Пандемия дыръя Удмуртиын коронавиурс инфекциен 1 сюрс 41 адями выльысь черлаз. Висён 90 яке солэсь тросгес нунал бере нош ик кутскиз. Со сярысь элькунысь тазалыкез утёнъя министерстволэн пресс-службаез ивортӥз.

890 адями куинетӥ тулкым дыръя черлаз – 2021-тӥ арын 1-тӥ инвожоысен. Выльысь висьыны усемъёс пӧлысь 22 мурт кулӥз. Соос прививка пуктымтэ вал.

Тросэз кунмуртъёс оско, соос висизы ни ке, коронавирус соослы кышкыт ӧвӧл ни, соин ик прививка пуктытэк яралоз. Жаляса верано, озьы ӧвӧл. Висем бере 3-6 толэзь ортчыса, иммунитетлэн пумитъяськемез пумен лябӟе, нош адями ковидэз капчиен яке шӧдылытэк ортчиз ке, иммунитет ляб луыны яке воксё кылдытэк быгатэ
Марина Петренко, Удмуртиысь тазалыкез утёнъя министрлэн воштӥсез, эмчи-инфекционист

Соин ик висем бере но прививка лэсьтыны кулэ, вакцина иммунитетлэсь пумитъяськон кужымзэ будэтоз но выльысь черламлэсь утёз, пусйиз Марина Петренко. 

Тодэ вайытом, 18-тӥ коньывуонлы Удмуртиын коронавирус инфекциен черлан 369 выль учыръёсты шараязы. Пандемия кутскем дырысен 50 сюрс 51 висисьёс пусъемын. 



Наверх
Вниз