Ижкар+1 °C
30 -тӥ шуркынмон 2021 Пуксён
18+

30-тӥ коньывуонысен 7-тӥ шуркынмонозь Удмуртиын ужантэм нуналъёс луозы

  • 275
  • 0
Ижкар / Удмуртия
30-тӥ коньывуонысен 7-тӥ шуркынмонозь Удмуртиын ужантэм нуналъёс луозы
Туспуктэм: Алексей Арзамасцев

Удмуртиын 30-тӥ коньывуонысен 7-тӥ шуркынмонозь ужантэм нуналъёс луозы. Ужасьёслэсь уждунзэс уз кулэстэ. Со сярысь элькунлэн тӧроез Александр Бречалов «ВКонтакте» мерлыко вотэсысь бамаз ивортӥз.

Ужантэм нуналъёс сярысь пумкылъян коронавирус вӧлмонэз дугдытон понна кутэмын. Макем кема сюбегатонъёсын уломы, асьме валанлыкмылэсь, эмчиослэсь ӵектонъёссэс быдэсъяммылэсь, вакцинацие пыриськеммылэсь потэ. Кунлэн но кунмуртъёслэн ужпум шоры огкадь учкемзы гинэ дышем улон радлыке ӝоггес берытскыны сётоз
Александр Бречалов, Удмуртилэн тӧроез

Озьы ик со ивортӥз, мерлык, вузкарон, промышленность удысысь ужъюртъёслэн ужан радлыксы али юнматӥське шуыса, сое ӝоген шараялозы.

Тодэ вайытом, коронавирусъя югдуре секыт луэмен, 20-тӥ коньывуонэ Россилэн азьмуртэз Владимир Путин быдэс кунын 30-тӥ коньывуонысен 7-тӥ шуркынмонозь ужантэм нуналъёс луозы шуыса ялӥз. Улосвылъёсын нуналъёсты ватсаны быгато.



Наверх
Вниз