Ижкар-4 °C
5 -тӥ толсур 2021 Воскресенье
18+

386 адямилэсь коронавирус инфекциез шараязы Удмуртиын берло нуналскын

  • 227
  • 0
Ижкар / Удмуртия
386 адямилэсь коронавирус инфекциез шараязы Удмуртиын берло нуналскын
Туспуктэм: Константин Вознесенских

22-тӥ коньывуонлы Удмуртиын эшшо 386 адямилэсь коронавирус инфекциез шараязы. Выль черламъёс пӧлын 79 пиналъёс но 65 арессэс ортчем 63 арлыдоос. Со сярысь элькунысь оперативной штаб ивортӥз.

Висёнзы шараяськиз Ижкарын 165 улӥсьёслэн, Можгаын – 38, Воткаын – 34, Эгра ёросын – 23, Сарапулын, Ува ёросын – быдэн 14, Вотка ёросын – 13, Глазкарын – 11, Дэбес, Дэри, Сьӧлта ёросъёсын – быдэн 10, Глаз ёросын – укмыс, Можга ёросын – тямыс, Пичи Пурга ёросын – сизьым, Красногорск ёросын – вить, Камбарка ёросын – ньыль, Балезино, Кизнер, Шаркан ёросыъёсын – быдэн кык, Алнаш, Грак, Сарапул, Сюмси, Якшур-Бӧдья ёросъёсын – быдэн одӥг муртлэн.

321 адями всиёнэз вормиз. 11 мурт кулӥз. Кышномуртъёслы 74, кыкезлы 83, 85, 86 арес вал, воргоронъёслы – 46, 63, 65, 69, 70, 73

22-тӥ коньывуонлы Удмуртиын коронавиурсэн черлан 60 сюрс 568 учыръёс лабораториосын зэматэмын. 48 сюрс 880 адями йӧназ, 2 сюрс 598 мурт улонысь кошкиз. Та дыре 597 висисьёслэн тазалыксы секыт лыдъяське. Берло нунал ӵоже коронавируслы 8 сюрс 308 эскеронъёс ортчытӥзы.

Коронавируслэсь прививка 460 сюрс 183 адями пуктӥз, со пӧлысь 338 сюрс 161 мурт кык компонентэн. «Спутник Лайт» вакцинаез 77 сюрс 601 адямилы пуктӥзы.



Наверх
Вниз