Ижкар+1 °C
9 -тӥ толсур 2021 Покчиарня
18+

Коронавирусэн висисьёслы висъям интыослэсь лыдзэс кулэстозы Удмуртиысь эмъяськонниосын

  • 177
  • 0
Ижкар / Удмуртия
Коронавирусэн висисьёслы висъям интыослэсь лыдзэс кулэстозы Удмуртиысь эмъяськонниосын
Туспуктэм: Константин Вознесенских

Удмуртиын коронавирусэн висисьёсты эмъяны чаклам интыослэсь лыдзэс кулэстозы. Кӧняез ке ковид-центръёс дышем сямен ужан амалэ берытскозы. Со сярысь улосвыл тӧролэн но кивалтэтлэн пресс-служабзы ивортӥз.

22-тӥ шуркынмонысен мукет висёнъёсын адямиосты кутыны кутскоз 1 номеро кар эмъяськонни, нош 25-тӥ шуркынмонысен – 8 номеро кар эмъяськонни. Озьы ик таяз арняе дышем ужранрадлыказы берытскозы 6 номеро кар эмъяськоннилэн нылпиослы ёзэтэз но Ленин нимо ульчаысь стационарез. Ваньмаз эмъюртъёсын палатаосты тазатон ужъёс ортчытозы.

Эпидемиологи югдурлэн огсыр возиськемез куд-огзэ эмъяськонниосты дышем сямен ужанэ берыктыны луонлык сётэ. Озьы ке но, соос ковид-койкаосты ӝог радъян понна резерве кылё, висисьёслэн лыдзыя югдур выльысь уродмиз ке
Эльвира Пинчук, Удмуртиысь кивалтэтлэн тӧроезлэн воштӥсез

Озьы Удмуртиын коронавирусэн висисьёслы 15 эмъяськонниосын 2 сюрс 463 койка кыле. 22-тӥ шуркынмонлы ковид-стационаръёсын 1 сюрс 625 интыын черламъёс кыллё. 



Наверх
Вниз