100 лет государственности Удмуртии
Ижкар+17 °C
3 -тӥ инвожо 2020 Вирнунал
16+

Ӝог эмъюрттэт сётонъя 35 выль машина сётӥзы Удмуртиысь эмъюртъёслы

  • 486
  • 0
Ижкар / Удмуртия
Ӝог эмъюрттэт сётонъя 35 выль машина сётӥзы Удмуртиысь эмъюртъёслы
Туспуктэм: Удмуртиысь тӧролэн но кивалтэтлэн пресс-службазы

Туннэ, 28-тӥ толсуре, Ижкарын ӝог эмъюрттэт сётонъя выль автомобильёслэсь усьтонъёссэс сӥё-дано сётон ортчиз. Соосты Росси кивалтэтлэн резерв фондысьтыз коньдонэн басьтӥзы. Удмуртиысь тӧролэн но кивалтэтлэн пресс-службазы ивортэмъя, элькунысь эмъюртъёслы 35 санитар машина сётэмын — федерацилэн субъектъёсыз пӧлысь Краснодар улосвыл гинэ тросгес басьтӥз.

Автомобильёсты Ижкарысь, Воткаысь, Глазкарысь, Сарапулысь, Можгаысь, Кез, Яр, Шаркан, Якшур-Бӧдья, Эгра, Вавож, Балезино, Ува, Пичи Пурга но Алнаш ёросъёсысь эмъюртъёс куспын люкозы. Кыкез машина Элькунысь 1 номеро эмъюрт бордын ужась Шимучыръёс дыръя эмъюрттэт сётонъя центре мыноз, эшшо укмыс автомобилез Ижкарысь ӝог эмъюрттэт сётонъя станцие келялозы.

Ӝог эмъюрттэт сётонъя выль машинаос вуизы Удмуртие

8 фото

Туннэ сётэм «скоройёс» пӧлысь кык куиньмосэз — «Некст» категориысь ГАЗ автомобильёс, кудъёссэ Росси кивалтэтлэн нимысьтыз куронэзъя поттӥзы. Пусъемын, соос инноваци амалэн лэсьтэмын шуыса.

Машиналэн умойгес ветлон ӟечлыкез (выль подвеска, двигательлэн юнматэм ванёсэз), сыномемлэсь юнгес утемын, со сяна, выль вылтусыз но комплектациез. Таӵе автомобильёс улосвылэ нырысьсэ ваемын
Удмуртиысь тӧролэн но кивалтэтлэн пресс-службазы

Ижкарысь Ӝог эмъюрттэт сётонъя станциысь валтӥсь эмчилэн Олег Прузанлэн кылъёсызъя, выль автопарклы выль ужан радлык кутӥськоз. Кылсярысь, автомобильёсты ивортодэтъя ГЛОНАСС сӧзнэт одно ик чаклалоз. Со валаны юрттоз, кӧня дыр кулэ луоз висись доры вуон понна но потанъёсты шонер радъяны юрттоз.

Ваньмаз машинаосы Ижкарысь «Аксион» заводын поттэм эм тӥрлык пуктэмын — ЭКГ-лэсь тодэтъёссэ палэнэ келяны быгатӥсь электрокардиограф, дефибриллятор но шприц дозаторъёс

Выль машина басьтэм эмъюртъёслэсь валтӥсь эмчиоссэс ӟечкыласа, Удмуртиысь тазалыкез утёнъя министрлэсь ужзэ быдэсъясь Игорь Титов пусйиз, кык ар куспын Удмуртия ӝог эмъюрттэт сётонъя 106 выль  машинаос басьтӥз но автопарксэ 70 процентлы выльдӥз. Таяз арын элькунэ 60 машина вуиз.



Наверх
Вниз