100 лет государственности Удмуртии
Ижкар+16 °C
3 -тӥ инвожо 2020 Вирнунал
16+

Выль ФАП усьтӥзы Удмуртиысь Лудорвай гуртын

  • 389
  • 0
Лудорвай / Удмуртия
Выль ФАП усьтӥзы Удмуртиысь Лудорвай гуртын
Туспуктэм: Григорий Фомин

Туннэ, 26-тӥ коньывуонэ, Дэри ёросысь Лудорвай гуртын выль фельдшер-акушер пункт усьтӥзы. Сое «Гурт интывылъёсты ялан азинтон» федерал программая пуктӥзы, ивортэ элькунысь Тазалыкез утёнъя министерстволэн пресс-службаез.

Эмъяськонниез пуктыны федерал но улосвыл коньдэтъёсысь 5 миллион манет пала висъязы.

ФАП-ын ваньмыз кулэ луись туала тӥрлык вань: вирысь холестеринэз ӝог мертан арбери, дефибриллятор, электрокардиограф но мукетыз.

Лудорвай гуртын выль ФАП усьтӥзы

5 фото

Дэри ёрос эмъюртысь валтӥсь эмчи Валерий Савельев верамъя, выль ФАП Лудорвай но Крестьянка гуртъёсын улӥсьёслэсь тазалыксэс чаклалоз, озьы ик со борды нылпи сад но школа юнматэмын. Оглом 1 сюрс 332 адями эм юрттэт басьтыны быгатоз, со пӧлын 222 нылпиос но 1 сюрс 110 арлыдоос.

Лудорвай гуртын фельдшер-акушер пункт 60 ар талэсь азьло усьтэмын вал. Дыр вуиз выльдыны. Туннэ выль туала фельдшер-акушер пункт – гуртысь тазалыкез утёнъя храм – усьтэмын
Игорь Титов, Удмуртиысь тазалыкез утёнъя министр

Азьланяз усьтоно фельдшер-акушер пунктъёс пӧлысь та нырысетӥез. Ар пумозь ми эшшо даслэсь трос ФАП-ёсты усьтыны малпаськомы
Анастасия Муталенко, Удмуртиысь кивалтэтлэн тӧроезлэн воштӥсез

Таяз арын Дэри ёросысь Мунчогуртын но Ленино гуртын ФАП-ёс усьтыны чакламын на.

Нош 2020-тӥ арысен, Анастасия Муталенко верамъя, элькунысь али ужась фельдшер-акушер пунктъёсты рос-прос выльдон борды басьтӥськозы.



Наверх
Вниз