100 лет государственности Удмуртии
Ижкар+17 °C
3 -тӥ инвожо 2020 Вирнунал
16+

Пичи Пурга ёросын выль ФАП усьтӥзы

  • 311
  • 0
Пичи Пурга / Удмуртия
Пичи Пурга ёросын выль ФАП усьтӥзы
Туспуктэм: Удмуртиысь тӧролэн но кивалтэтлэн пресс-службазы

Туннэ, 20-тӥ шуркынмонэ, Удмуртиысь Пичи Пурга ёросысь Эгра (Алганча-Игра) гуртын выль ФАП усьтӥзы. Со сярысь улосвыл тӧролэн но кивалтэтлэн пресс-службазы ивортэ.

Ужрадэ элькунысь тазалыкез утёнъя министр Игорь Титов, Пичи Пурга ёрослэн тӧроез Сергей Юрин, Уром муниципал кылдытэтлэн тӧроез Пётр Коровин но ёрос эмъяськонниысь валтӥсь эмчи Наталья Зямаева, гурт калык пыриськизы.

Выль фельдшер-акушер пунктын Эгра но Каймашур гуртъёсын улӥсь 323 адями, со пӧлын 63 нылпиос, эмъюрттэт басьтозы. ФАП-ын югыт но шуныт висъетъёс, туала куронъёслы тупась тӥрлык.

Эмъюртэз пуктыны 4 миллион 400 сюрс манет Удмуртилэн коньдэтысьтыз висъязы.

Пичи Пурга ёросысь Эгра гуртын выль ФАП усьтӥзы

9 фото

Люкаськем калыкез пусйымон ужрадэн ӟечкыласа, Игорь Титов вераз, туэ усьтӥськем ФАП-ёс пӧлын та ньылетӥез ни шуыса. Кылем арняе Сьӧлта но Можга ёросъёсын, коньывуон пумын Дэри ёросын корка пырон ортчытӥзы.

2018-тӥ ар пумозь эшшо 13 фельдшер-акушер пунктъёсты усьтыны чакламын. Со сяна, вуоно арысь южтолэзёзь Вотка ёросысь Вогулка но Кез ёросысь Мыс гуртъёсын ФАП-ёс пуктыны кулэ.

Министрлэн верамезъя, азьланяз элькунысь ваньмаз фельдшер-акушер пунктъёсы туала эм тӥрлык басьтозы. Эм удысэ цифра амалэз пыӵатон гуртысь фельдшерлы висисьёсты ёрос эмъяськонниысь ӧнерчиос доры гожтыны луонлык сётоз. Но та ласянь тросэз «Устранение цифрового неравенства» ӵектослэсь потоз. Али Интернет элькунысьтымы ваньмаз гуртъёсы вуымтэ на. 



Наверх
Вниз