Ижкар+18 °C
24 гудырикошкон 2019 Кӧснунал
16+

Сюрс но ӝыны литрлэсь трос донор вир дасязы пӧсьтолэзе Удмуртиын

  • 209
  • 0
Ижкар / Удмуртия
Сюрс но ӝыны литрлэсь трос донор вир дасязы пӧсьтолэзе Удмуртиын
Туспуктэм: Ольга Константинова

2019-тӥ арын пӧсьтолэзе Ижкарысь вир басьтон станциын 1 сюрс 541 литр вир дасязы, сое 2 сюрс 554 доноръёс сётӥзы. Со сярысь улосвыл тӧролэн но кивалтэтлэн пресс-службазы ивортэ.

Вир басьтӥсьёс 7 пол элькунысь каръёсы но ёросъёсы потазы, отын 350 литр вир дасязы.

Гудырикошконэ ӧнерчиос Воткае, Вавоже но Сарапулэ вуылӥзы ни. Таяз толэзе эшшо ньыль потаны потаны чакламын:

– 15-тӥ гудырикошконэ – Глазкарысь ёроскуспо эмъюртэ (Мир урам, 22) 7 часысен 11 часозь;

– 20-тӥ гудырикошконэ – Россиысь чугун сюресъёслэн управлениязы (Гагарин нимо урам, 4) 9 часысен 12 часозь;

– 22-тӥ гудырикошконэ – Якшур-Бӧдьяысь ёрос эмъюртэ (Володарский нимо урам, 9) 9 часысен 12 часозь;

– 27-тӥ гудырикошконэ – Мотозаводэ, 1 номеро площадкае, тазалыкез эскерон пункт 9 часысен 12 часозь.

Та дыре мукет адямилы вирез донорлэсь гинэ сётыны луэ, сое номырин воштыны уг луы. Россиын арлы быдэ 1 миллион 500 сюрс пала яке нуналлы быдэ 4 сюрслэсь трос адями вирлы кулэяське

Удмуртиысь Тазалыкез утёнъя министерство ивортэмъя, туннэ элькунын 15 сюрс доноръёс лыдъясько. Со пӧлысь 4 сюрсэз – Россиысь дано доноръёс.

Наши партнеры

Наверх
Вниз