Ижкар+5 °C
21 куарусён 2019 Кӧснунал
16+

Грипплэсь вакциналэн нырысетӥ люкетэз вуиз Удмуртие

  • 835
  • 0
Ижкар / Удмуртия
Грипплэсь вакциналэн нырысетӥ люкетэз вуиз Удмуртие
Туспуктэм: Григорий Фомин

23-тӥ гудырикошконэ Удмуртиын грипплы пумит прививка пуктылыны кутскозы. Улосвылэ вакциналэн нырысетӥ люкетэз вуиз. Со сярысь элькунысь Тазалыкез утёнъя министерстволэн пресс-службаез ивортэ.

Вакцина арлы кулэяськонлэсь 43 процентэз вуиз: 109 сюрс 60 доза пиналъёслы, 3 сюрс доза секытэн кышномуртъёслы, 191 сюрс 400 доза бадӟымъёслы
Удмуртиысь Тазалыкез утёнъя министерстволэн пресс-службаез

Вакцианция улсын 45 процентэзлы элькунын улӥсьёслы прививка пуктыны кулэ, соку грипп паськыт вӧлмонэз но со висёнлэсь секыт бервылъёссэ алыны луоз.

Прививкаосты сӥзьыл ӵоже пуктылозы. Туала вакцинаос кышкыттэмесь, нош вакцинация – гриппез алонын валтӥсь амал

Паласькись висёнлы пумит прививка одно ик пуктыны кулэ вож нуныослы (6 толэзьысен), школаын дышетскись пиналъёслы, озьы ик эм, дышетон, мер транспорт, калыклы юрттӥськет сётон, калыкез сюдон, коммунальной удысъёсын ужасьёслы, студентъёслы, армие басьтоно арлыдэ вуэмъёслы, 60 но солэсь трос аресъем муртъёслы, кема кыстӥськись висёнъёсын адямиослы.

Прививка пуктыны луэ улон интыя эмъюртъёсын

Тодэ вайытом, кылем сӥзьыл Удмуртиын 574 сюрс 446 адями грипплы пумит прививка пуктӥз.

Наши партнеры

Наверх
Вниз