Ижкар+5 °C
21 куарусён 2019 Кӧснунал
16+

15 одӥгмет эм тӥрлык басьтӥзы ни Удмуртиысь эмъюртъёс 2019-тӥ арын

  • 473
  • 0
Ижкар / Удмуртия
15 одӥгмет эм тӥрлык басьтӥзы ни Удмуртиысь эмъюртъёс 2019-тӥ арын
Туспуктэм: Диана Чайникова

2019-тӥ арын Удмуртиысь 12 эмъюртъёсы 15 одӥгмет эм тӥрлык вуиз, о пӧлын рентген аппаратъёс, томографъёс но маммографъёс. Со сярысь улосвыл тӧролэн но кивалтэтлэн пресс-службазы ивортэ.

Таяз арын Удмуртиын «Сюлэм но сэр висёнъёсын нюръяськон» но «Пыктос висёнъёсын нюръяськон» улосвыл ӵектосъёсты быдэсъяны кутскизы, соос Росси азьмуртэн кичӧлтэм «Тазалыкез утён» йӧскалык ӵектосэ пыро. Сое быдэсъян 2024-тӥ арозь чакламын

Улосвыл ӵектосъёслэн одӥгез валтӥсь ужпумзы – вирберган сӧзнэт висёнъёсын но пыктос висёнъёсын курадӟисьёслы эм юрттэт сётӥсь ужъюртъёслы вылӥ технологиосъя туала тӥрлык басьтон. Со висёнъёсты вазь шараянлэсь пайдалыксэ будэтыны но улосвылын кулон учыръёсты кулэстыны луонлык сётоз.

Вераны кулэ, сюлэм но сэр, пыктос висёнъёсты вазь шараянын шӧдскымон пайда ваё «онкодесант» но «кардиодесант» акциос. Соос адямиосты пыктос висёнъёсъя амбулаториосы ӝегатскытэк келяны луонлык сёто.

Тодэ вайытом, азьвылгес ивортӥзы вал, пыктос висёнэз шараян понна выль тӥрлык басьтыны Удмуртиын 200 миллион манет висъялозы шуыса. Пӧсьтолэзе элькунэ куать маммографъёс вуизы

Наши партнеры

Наверх
Вниз