Ижкар+5 °C
21 куарусён 2019 Кӧснунал
16+

Удмуртиысь кивалтэтлэн тӧроез пуэдлы пумит прививкаос пуктонлы кутскон сётӥз

  • 450
  • 0
Ижкар / Удмуртия
Удмуртиысь кивалтэтлэн тӧроез пуэдлы пумит прививкаос пуктонлы кутскон сётӥз

4-тӥ куарусёнэ Россиын пуэдлы но кынман висёнлы пумит прививкаос пуктылыны кутскизы. Удмуртиын нырысетӥосыз пӧлын вакцинациез ортчиз улосвыл кивалтэтлэн тӧроез Ярослав Семёнов.

Юазы, кыӵе асме шӧдӥсько, кыӵе висёнъёсы вал, температураме, вирзӥбетме мартазы. Ваньмыз туж ӝог ортчиз, нош валтӥсез - со туж кулэ
Ярослав Семёнов, Удмуртиысь кивалтэтлэн тӧроез

Удмуртиын пуэдлы пумит прививка пуктонлы кутскон сётӥзы


Таяз арын Удмуртиын 53 процентэзлы улӥсьёслы прививка пуктыны кулэ – со 700 сюрс пала адями. Элькун коньдэт чотын 12 миллион манет тыр 74 сюрс доза вакцина басьтӥзы ни. Кылемезлы федерал коньдэт уксё висъялоз.

Таяз арын элькунын прививка пуктыны чаклам муртъёслэн лыдзы 150 сюрслы тросгес луоз. Со пӧлын 254 сюрс нылпиослы. Куинь штаммен вакцинаосты возьмаськомы: А грипплэн кык вирусэз но В грипплэн вирусэз
Наталья Матюшина, Роспотребнадзорлэн Удмурт Элькунъя управлениезлэн кивалтӥсез

Прививка толсур пумозь пуктылозы, со дырозь висисьёслэн лыдзы ӧжытгес луэ на.

Вакцинацилы Удмуртиысь ваньмыз эмъюртъёс дасесь. Озьы ик эмчиос ужан интыосы, бадӟым вузкаронниосы потаса ужалозы. 

Наши партнеры

Наверх
Вниз