Ижкар+15 °C
18 -тӥ куарусён 2020 Удмуртарня
18+

2020-тӥ арын тазалыкез утён удыслы висъяно коньдонэз 1 миллиард манетлэсь унолы будэтозы Удмуртиын

  • 299
  • 0
Ижкар / Удмуртия
2020-тӥ арын тазалыкез утён удыслы висъяно коньдонэз 1 миллиард манетлэсь унолы будэтозы Удмуртиын
Туспуктэм: Григорий Фомин

Удмуртилэсь 2020-ти арлы коньдэтэзлэсь ӵектоссэ кыкетӥ лыдӟемен эскеронлы тазалыкез утён удыслы висъяно коньдонлэн быдӟалаез 1 миллиард манетлэсь трослы йылоз. Элькунлэн коньдон ужпумъёсъя валтӥсь ужкагазаз тупатонъёсты Кун Кенешысь тазалыкез утёнъя, демографи но семья политикая ялан ужась ӧрилэн кенешоназ, ивортэ улосвыл парламентлэн пресс-службаез ивортэ.

Вуоно арлы элькун коньдэтлэсь табыш люкетсэ ог 8 миллиард манетлы будэтыны чаклало. Со пӧлысь 1 миллиард 50 миллион 600 сюрс манетэз тазалыкез утён удыслы чакламын. Отысь 303 миллион 500 сюрсэз – федерал коньдэтысь. 640 миллион манетлэсь тросэз эмъюмъёс басьтыны кутӥськоз.

Ми азьвыл арысь лыдпусэз быдэсак утиськом, со сяна, кызьы вераз элькунлэн тӧроез фракциослэн кивалтӥсьёсынызы пумиськонын, со ичиез лыдпус, ми сое йылэтыны луонлыкъёсты эскером
Надежда Михайлова, Удмуртилэн Кун Кенешысьтыз тазалыкез утёнъя, демографи но семья политикая ялан ужась ӧрилэн тӧроез

112 миллион 600 сюрс манетлы йылоз гуртъёсы, каргуртъёсы но 50 сюрсозь улӥсен каръёсы ужаны вуэм эмчиослы но фельдшеръёслы одӥг пол сётӥськись тыронъёслы чаклам коньдонлэн быдӟалаез. Ватсаса 165 миллион 800 сюрс манет сюлэм но вирсэр висёнъёсты алон ужъёслы висъялозы. 105 миллион 200 сюрс манет ватсалозы льготая эмъюмъёслы но 101 миллион 700 сюрс манет – шер пумиськылӥсь висёнъёсын курадӟисьёслы эмъюмъёс басьтыны.

Диабетэз алонлы, висисьёсты эмъянлы но реабилитацилы ватсаса 221 миллион 600 сюрс манет висъялозы. Коньдэтэз кыкетӥ лыдӟемен эскеронлы калыкез санаторийёсын эмъянлы 41 миллион 200 сюрс манет ватсазы. Надежда Михайловалэн кылъёсызъя, солэн быдӟалаез кулэяськонэз 100 процентлы быдэстон понна будэтэмын луоз

Озьы ик «Борьба с онкологическими заболеваниями» федерал ӵектосэз улонэ пыӵатонлы, паласькись висёнъёсты но инкуазьын кылдӥсь инфекциосты, туберкулёз алон ӧръёсъя коньдонэз будэтозы. Пусъём, туберкулёзэн нюръяськонлы вуоно арын, 2019-тӥ арен ӵошатыса, вить поллы тросгес коньдон висъялозы. 

Ялан ужась ӧри катӵектосэ тупатонъёслы дурбасьтӥз но кыкетӥ лыдӟонын умоен лыдъяны ӵектӥз.

Тодэ вайытом, азьвылгес коньдэт сярысь катлэн ӵектосаз тупатонъёсты 2-тӥ шуркынмонэ Кун Кенешлэн но кивалтэтлэн азьвалтэтъёссылэн валче кенешоназы эскеризы.



Наверх
Вниз