100 лет государственности Удмуртии
Ижкар+10 °C
25 -тӥ куартолэзь 2020 Вордӥськон
16+

1 миллиард манет висъялозы льготникъёслы эмъюмъёс басьтыны Удмуртиын 2020-тӥ арын

  • 272
  • 0
Ижкар / Удмуртия
1 миллиард манет висъялозы льготникъёслы эмъюмъёс басьтыны Удмуртиын 2020-тӥ арын
Туспуктэм: Григорий Фомин

2020-тӥ арын льготникъёслы дунтэк эмъюмъёс сётон понна Удмуртиын 1 миллиард манет висъялозы. Со сярысь улосвыллэн тӧроез Александр Бречалов элькунысь Кун Кенешлэн сессияз арлы быдэ радъяськись докладаз вераз.

2019-тӥ арозь элькун коньдэтын солы 300 миллион манетлэсь трос ӧз висъяськылы. Таяз арын ми 687 миллион манет висъямы. Со но тырмыт ӧвӧл шуыса лыдъясько. Вуоно арын льготникъёслы дунтэк эмъюмъёс басьтон понна 1 миллиард манет кутыны пумкылъян кутӥ
Александр Бречалов, Удмуртилэн тӧроез

Улосвыллэн тӧроез Удмуртиысь тазалыкез утёнъя министерствоез 3 аресозь нылпиослы но пичи табышен семьяосысь 6 но ӝыны аресозь пиналъёслы эмъюм сётон ужпумлы нимысьтыз саклык висъяны куриз.

Таяз арын анай-атайёслэсь трос вазиськонъёс вуылӥзы, пиналъёслы капчиятонъёсъя эмъюм басьтон ласянь шугъськонъёс вань шуыса. Вазиськисько анай-атайёслы, нылпидылы катэн чаклам эмъюм выписать ӧз ке каре яке со ӧвӧл ке, мыным вералэ
Александр Бречалов, Удмуртилэн тӧроез

Со сяна, Александр Бречаловлэн верамезъя, элькунысь эмъюртъёсын ӧжытсэ 250 эмчиос уг тырмо. Ужпумез 4 арсын сэрттон понна нимысьтыз ужанрадлык дасяны но соин вуоно арын южтолэзе тодматыны куриз. 



Наверх
Вниз