Ижкар-9 °C
24 -тӥ толшор 2020 Удмуртарня
16+

50 сюрслэсь трос адямиез эскеризы Удмуртиын интыысь интые ветлӥсь эм огъетъёсын 2019-тӥ арын

  • 312
  • 0
Ижкар / Удмуртия
50 сюрслэсь трос адямиез эскеризы Удмуртиын интыысь интые ветлӥсь эм огъетъёсын 2019-тӥ арын
Туспуктэм: Удмуртиысь тӧролэн но кивалтэтлэн пресс-службазы

2019-тӥ арын Удмуртиын интыысь интые ветлӥсь эм огъетъёсын эмчиос 50 сюрс 525 адямиез эскеризы. Машинаос 1 сюрс 700 пол потазы, ивортэ элькунысь тазалыкез утёнъя министерстволэн пресс-службаез.

Гуртын улӥсьёсты эскеризы но визь-кенеш сётӥзы терапевтъёс, неврологъёс, акушер-гинекологъёс, хирургъёс, ЛОР-эмчиос. Со сяна, тазалыксэс чакланы мылкыд карисьёс вир сётӥзы но син пушкысь давленизэс эскеризы, ЭКГ, УЗИ, флюорография, маммография лэсьтӥзы.

Эм огъетъёс 100 адямилэсь ӧжыт улӥсен гуртъёсы но вуылӥзы

Эскеронъёслы йылпумъянъёсъя 5 сюрслэсь трос адямиез ватсаса эскеронъёсы ыстӥзы, 1 сюрс 431 муртэ чакласа возёзы.

Тодэ вайытом, Росси азьмуртэн Владимир Путинэн кичӧлтэм «Здравоохранение» йӧскалык ӵектос улсын кылем арын шуркынмонэ Удмуртие интыысь интые ветлӥсь тямыс эм огъетъёс вуизы

Наши партнеры

Наверх
Вниз