Ижкар-3 °C
24 -тӥ тулыспал 2020 Вордӥськон
16+

Вирберган сӧзнэт висёнъёс сэрен улонысь кошкон учыръёс Удмуртиын 2,2 процентлы кулэсмизы

  • 496
  • 0
Ижкар / Удмуртия
Вирберган сӧзнэт висёнъёс сэрен улонысь кошкон учыръёс Удмуртиын 2,2 процентлы кулэсмизы
Туспуктэм: Николай Кузнецов

Удмуртиын вирберган сӧзнэт висёнъёс сэрен кулон учыръёс 2019-тӥ арын, 2018-тӥ арен ӵошатыса, 2,2 процентлы кулэсмизы. Со сярысь элькун тӧролэн но кивалтэтлэн пресс-службазы ивортэ.

Росси азьмуртлэн Владимир Путинлэн косэтэзъя кичӧлтэм «Здравоохранение» йӧскалык ӵектосын чаклам бадӟым луонлыкъёсын валче ми кӧня ке сю улонъёсты утимы
Александр Бречалов, Удмуртилэн тӧроез

Висисьёсты эмъянын вылӥ пайдалыко амалъёсты пыӵатон, эмъюмъёс басьтон но мукет ужрадъёслы «Сюлэм но вирсэр висёнъёсын нюръяськон» улосвыл ӵектосъя элькун коньдэтысь 10 миллион 260 сюрс манет висъязы. Со выльысь инфаркт кылдон учыръёсты кулэстыны но адямиослэсь улон аръёссэ кузьгес карыны луонлык сётӥз.

Озьы ик диспансеризаци но эм эскеронъёс ортчытъяло. Али Удмуртиысь ваньмыз ӝог эмъюрттэт сётӥсь бригадаос электрокардиограммаез (ЭКГ) ӧнерчиослы лэзьыны быгато.

Со сяна, Уваысь ёрос эмъяськонниын элькун коньдэт чотын сизьыметӥзэ вирсэро ёзэтэз усьтӥзы.

2020-тӥ арын йырвим вирберган сӧриськон учыръёсты алон, шугадӟонэ шедемъёсты эмъян но чаклан понна 11 висъетъёс усьтыны чаклало. Али одӥг сыӵе кабинет ужа.

Озьы ик сердечной недостаточностен курадӟисьёс понна висъет усьтыны малпало (эскерон вылысь куинь эмъюртъёс быръемын ни).

Тодэ вайытом, 2020-тӥ арын Удмуртиын 11 йӧскалык ӵектосъёсты быдэсъяны 10 миллиард манетлэсь трос коньдон висъялозы, Со пӧлын тазалыкез утён удысъя - 2 миллиард 54 миллион 800 сюрс манет.

Наши партнеры

Наверх
Вниз