Ижкар+1 °C
26 -тӥ тулыспал 2020 Вирнунал
16+

Пуэдэн черлан 125 учыр пусйизы Удмуртиын кынман висёнъёс алян вакыт кутскем дырысен

  • 403
  • 0
Ижкар / Удмуртия
Пуэдэн черлан 125 учыр пусйизы Удмуртиын кынман висёнъёс алян вакыт кутскем дырысен
Туспуктэм: Григорий Фомин

Кынман висёнъёс алян вакыт кутскем дырысен Удмуртиын пуэдэн черлан 125 учыр пусйизы, со пӧлысь 21-аз «парсь гриппез» шараязы. Со сярысь элькунъя Роспотребнадзорлэн управлениезлэн пресс-службаез ивортэ.

Туэ 3-9 тулыспалэ Удмуртиын 15 сюрс 477 адями паласькись лек вирус инфекциен (ОРВИ) черлаз. Эпидеми гож 19,5 процентлы ортчемын. 

Висьыны усемъёс пӧлысь 11 сюрс 299-эз – нылпиос

Ижкарын эмъюртъёсы 7 сюрс 853 адями вазиськиз, соос пӧлысь 5 сюрс 726-ез – пиналъёс. Удмуртилэн шоркараз эпидеми гож 3,7 процентлы ортчемын.

Тужгес трос висисьёс Дэбес, Каракулино ёросъёсын но Глазкарын пусъемын

Паласькись лек вирус инфекцилэсь вӧлмемзэ алон понна кылем арняе Ижкарысь, Каракулино но Можга ёросъёсысь куинь школаез но Грак ёросысь одӥг нылпи садэз карантинэ быдэсак ворсазы. Со сяна, мукет 54 школаосын 104 классъёсты но 60 нылпи садъёсын 83 группаосты пытсазы.

Висёнлэсь утиськон вылысь Роспотребнадзорысь ӧнерчиос алон амалъёс кутыны ӵекто:

  • эм маскаос нуллыны;
  • трос калыко интыосы потанлэсь возиськыны;
  • спортъя но шутэтсконъя ужрадъёсы пыриськонлэсь возиськыны;
  • улон, ужан интыосты ӵемгес тӧлатыны;
  • киосты миськыны, нырез, ньылонэз сылало суретъёсын гылтылыны;
  • таза улыны (дырыз дыръя изьыны, умой сиськыны, сюлмаськытӥсь учыръёсты палэнтыны, мугорез кыдатыны).
Висьыны кутскемез шӧдыку одно ик эмчиослы вазиськоно.

Наши партнеры

Наверх
Вниз