100 лет государственности Удмуртии
Ижкар+4 °C
1 -тӥ оштолэзь 2020 Вирнунал
16+

Коронавирусэн черлан учыръёсты Удмуртиын ӧз шараялэ

  • 569
  • 0
Ижкар / Удмуртия
Коронавирусэн черлан учыръёсты Удмуртиын ӧз шараялэ

Удмуртиын коронавирусэн черлан учыръёс та дырлы шараямтэ. Со сярысь «Мынам Удмуртие»телерадиокомпания ивортэ.

COVID-19 вирусэз шараяны тест-сӧзнэтъёс Удмуртие Новосибирскысь тулыспал шорын вуизы

Висёнэз шараям интыосысь лыктӥсьёсты нуналлы быдэ эскеро. Тестъёс милям тырмыт, ми соосты арнялы быдэ заказать кариськом, утиськон арбериос но кулэ материалъёс тырмыт
Лариса Анненкова, Роспотребнадзорлэн элькунъя управлениысьтыз паласькись но тужгес кышкыт инфекциосъя лабораторилэн кивалтӥсез

Россиысь валтӥсь санитар эмчилэн косэмезъя, пневмониен, озьы ик паласькись лек вирус инфекциен (ОРВИ) яке пуэдэн секыт висись муртъёсты коронавируслы одно ик эскеро, соос кунгож сьӧры ветлымтэ ке но.

Кылдэм югдурын Ростуризм туроператоръёслы Китае, Иранэ, Лымшор Кореяе но Италие путёвкаосты вузанэз огдырлы дугдытыны ӵектӥз. Кин со кунъёсы туръёс басьтыса вуттӥз ни вал, соос тупанкылэз уретыны курыны быгато.

Вируслэсь утиськон амалъёс сярысь журналистъёслы азьвылгес вераз Удмуртиысь тазалыкез утёнъя министерствоысь паласькись висёнъёсъя валтӥсь внештатной ӧнерчи Игорь Дьяченко. Эм маскаослы дунъёсты Монополиосын нюръяськонъя федерал ёзэслэн элькунъя управлениез чакласа возе. 



Наверх
Вниз