100 лет государственности Удмуртии
Ижкар+3 °C
30 -тӥ южтолэзь 2020 Вордӥськон
16+

Коронавирусэн черлан учыръёс Удмуртиын пусйымтэ

  • 374
  • 0
Ижкар / Удмуртия
Коронавирусэн черлан учыръёс Удмуртиын пусйымтэ
Туспуктэм: Алексей Арзамасцев

Коронавирусэн черлан учыръёс туннэ нуналлы Удмуртиын ӧвӧл. Со сярысь 16-тӥ южтолэзе улосвыл тӧро дорын аппарат кенешонын элькунысь тазалыкез утёнъя министр Георгий Щербак вераз.

Выль коронавирус инфекци кылдэм дырысен 157 адями чаклан улэ шедиз, соос коронавирусъя умойтэм интыосысь лыктӥзы. Али 51 адямиез эскеро. Кык анализъёсъя йылпумъянъёс ӧвӧл на, 49 учырын висён шараямтэ. Удмуртиын коронавирусэн черлан учыръёс пусйымтэ
Георгий Щербак, Удмуртиысь тазалыкез утёнъя министр

Та дыре стационарын 11 адями эмъяськонэз азьланьтэ, со пӧлысь кыкез Воткаын. Паласькись висёнъёсъя элькун эмъюртын - 9 адями, со пӧлысь куинезлэн кунгож сьӧрысь вуэм висись адямиен кусыпъёссы вал. Ваньзылэн тазалыксы умой.

Удмуртиын югдур быдэсак эскериське. Элькунэ мукет кунысь лыктӥсь адями эм ёзэсъёсын чаклан улэ шеде. Ми нуналлы быдэ Росси кивалтэтэн герӟаськиськомы, куалектыны но сюлэмшугъяськыны мугъёс ӧвӧл. Со дыре ик трос калыкен ужрадъёслэсь лыдзэс кулэстыны кулэ
Александр Бречалов, Удмуртилэн тӧроез

Россиын 63 учырын коронавирус шараямын. Висисьёс пӧлын Россилэн 60 кунмуртъёсыз, кыкез адями Китайысь, одӥгез Италиысь. Куинь адями йӧназ, кулон учыръёс ӧвӧл.

Выль висёнъя Россиын уй-нуналэн ужась «ӟырдыт телефон линия» ужа, солэн номерез 8-800-100-24-47

Висёнлэсь валтӥсь тодметъёсыз:

- 90 процентлэсь тросаз учырын температура ӝутске;

- кызон (кӧс яке кӧня ке жоб дыльдыен);

- лул шуг луон (одышка):

- мӧляын пачкатэ.

Вирус сярысь:

- висись адямилэсь палаське, со пӧлын висёнлэн лушкем ортчон вакытаз;

- виёнлэн лушкем ортчон вакытэз: 2-14 нунал;

- 3,6 процентаз учыръёсын висён кулонэ вуттэ.

Висёнлэн паласькон амалъёсыз:

- омыретӥ (кызыку, кизьнылыку, вераськыку);

- омырысь тузонэн;

- киез кутылыса ӟечьяськыку, арбериосты кутылыку.

Мар кароно висёнлэсь утиськон понна:

- коронавирус вӧлмем кунъёсы ветлэмлэсь возиськоно;

- паласькись лек вирус инфекцилэн тодметъёсыныз (нырысь виян, кызон, кизьнылон но мукет) адямиосын кусыпъёсты уретоно;

- трос калык люкаськон интыосы ӧвӧл ветлоно;

- киосты майталэн ӵемгес миськоно. Вуо но майтал ӧвӧл ке, киосты спирто салфеткаосын яке гигиенической салфеткаосын ӵушылоно;

- миськымтэ киосын ымныр но синъёс борды йӧтскылы уг яра;

- калыко интыосын ӧс кутэтъёсты, перлаосты, мукет арбериосты гольык киосын ӧвӧл кутылоно;

- калыко интыосын но транспортын эм маскаос нуллоно;

- ужан, улон интыосты ялан тӧлатоно;

- тырмыт кӧлоно, шонер сиськоно.

Мар кароно висёнлэсь тодметъёссэ шӧдыку:

- паласькись лек вируслэн (ОРВИ) тодметъёсыз кылдӥзы ке, дорады кыле но эмчиез ӧте. Мукет адямиосын кусыпъёсты уретэ;

- эм маска нуллэ. Маска ӧвӧл ке, кызыку яке кизьнылыку ымдэс одӥг пол кутӥськись ныркышетэн яке салфеткаен ворсалэ. Ки улын номыр ӧвӧл ке – суйлэн гырпум вадесэныз;

- кызыку но кизьнылыку ымдэс киын ӵоктано ӧвӧл, со вируслы вӧлмыны юрттэ. Сотэк уг ке луы – киостэс соку ик майталэн миське яке спирто салфеткаосын яке гигиенической салфеткаосын ӵушылоно;

- саптаськем ныркышетъёсты но салфеткаосты баке куялэ. 



Наверх
Вниз