Ижкар+26 °C
12 -тӥ пӧсьтолэзь 2020 Воскресенье
16+

14 выль рентген аппаратъёс вуозы Удмуртиысь эм огазеяськонъёсы

  • 761
  • 0
Ижкар / Удмуртия
14 выль рентген аппаратъёс вуозы Удмуртиысь эм огазеяськонъёсы
Туспуктэм: Руслан Нуриахметов

Удмуртиысь эм огазеяськонъёсы цифра амалэн ужась 14 выль рентген аппаратъёс басьтозы. Со сярысь элькун кивалтэтлэн «ВКонтакте» мерлыко вотэсысь нимлыко бамаз ивортэмын.

Россилэн азьмуртэныз Владимир Путинэн кичӧлтэм «Здравоохранение» йӧскалык ӵектос улсын эм тӥрлык басьтыны 92 миллион 300 сюрс манет висъязы (одӥгез аппаратлы 6 миллион 590 сюрс манет).

Выль рентген тӥрлыкез таӵе эмъюртъёсы пуктозы:

  1. Дэриысь ёрос эмъюртэ;
  2. Кезысь ёрос эмъюртэ;
  3. Эграысь ёрос эмъюртэ;
  4. Можгаысь ёрос эмъюртэ;
  5. Уваысь ёрос эмъюртэ;
  6. Сарапулысь кар эмъюртэ;
  7. Глазкарысь ёроскуспо эмъюртэ;
  8. Ижкарысь 2 номеро нылпи поликлиникае;
  9. Ижкарысь 5 номеро нылпи поликлиникае;
  10. Ижкарысь 6 номеро нылпи поликлиникае;
  11. Ижкарысь 8 номеро нылпи поликлиникае;
  12. Ижкарысь 9 номеро нылпи поликлиникае;
  13. Воткаысь нылпи эмъюртэ;
  14. Элькунысь нылпи эмъюртэ.
Пусъём, 2020-тӥ арын нылпиослы поликлиникаосты но поликлиника ёзэтъёсты вылӥ технологиосъя ужан тӥрлыкен тырмытон понна 366 миллион 700 сюрс манет кутозы (129 миллион 600 сюрс манет федерал коньдэтысь, 30 миллион 400 сюрс манет улосвыл коньдэтысь но 206 миллион 700 сюрс манет эм утетъя фондысь).



Наверх
Вниз