100 лет государственности Удмуртии
Ижкар+10 °C
25 -тӥ куартолэзь 2020 Вордӥськон
16+

Ижкарысь аэропортын паласькись висёнъёсты алон амалъёсты кужмоятӥзы

  • 764
  • 0
Ижкар / Удмуртия
Ижкарысь аэропортын паласькись висёнъёсты алон амалъёсты кужмоятӥзы

«Ижавиалэн» рейсъёсаз но Ижысь аэропортын паласькись висёнъёсты алон понна кышкыттэмлыкъя куронъёсты кужмоятӥзы. Самолётъёсын но аэропортлэн юртаз ватсаса дезинфекция ортчыто, чылкытатӥсь гелен диспенсеръёс пуктэмын. Со сярысь улосвыл тӧролэн но кивалтэтлэн пресс-службазы ивортэ.

Висёнлэн тодметъёсыныз пассажиръёсты шараян киын нуллон инфракрасной камера (тепловизор) юрттэмен ортчыто

Висисьёсты шараян учыръёсы аэровокзалын нырысетӥ юрттэт сётыны но мукет адямиослэсь люкыны луонлыкъёс кылдытэмын. Аэропортысь здравпункт эз уен-нуналэ ужанэ выжтӥзы.

Авиакомпаниын вань ужасьёслы алон амалъёс сярысь валэктӥзы но утиськон но дезинфекци ортчытон арбериос сётӥзы.

Пассажиръёсын ужась ӧнерчиослэсь температуразэс нуналаз кык пол эскеро – сменалэн кутсконаз но пумаз. Асьсэдыз висем пыр шӧдӥсьёсты соку ик эмъяськонние келяло. Туннэ нуналлы пассажиръёс яке «Ижавиа» огазеяськонын ужасьёс пӧлын коронавирус шараямын ӧвӧл.

Тодэ вайытом, Удмуртиын коронавирус инфекци пумысен «ӟырдыт герӟет» усьтӥзы



Наверх
Вниз