100 лет государственности Удмуртии
Ижкар+3 °C
30 -тӥ южтолэзь 2020 Вордӥськон
16+

Трос калыкен ужрадъёсты ортчытъянэз ограничить каризы Удмуртиын

  • 354
  • 0
Ижкар / Удмуртия
Трос калыкен ужрадъёсты ортчытъянэз ограничить каризы Удмуртиын

Удмуртиын 500-лэсь трос адями люкаськымон ужрадъёсты ортчытонэз ограничить каризы. Сыӵе пумкылъян 17-тӥ южтолэзе коронавирус инфекци вӧлмонэз алонъя оперативной штаблэн кенешоназ кутӥзы. Со сярысь улосвыллэн тӧроез Александр Бречалов «ВКонтакте» мерлыко вотэсысь нимлыко бамаз ивортӥз.

Со сяна, школаосын, нылпи садъёсын, вылӥ дышетсконниосын ватсаса дезинфекци ортчытъян, аэропортын, вокзалъёсын, кыдёке ветлӥсь поездъёсын паласькись висёнъёсты алон ужрадъёсты кужмоятон сярысь пумкылъян кутӥзы.

Выль коронавирус инфекциез пусъем дырысен Удмуртиын 259 адямиез эскерыса возизы, со пӧлысь 149-сэ чакламысь дугдӥзы ни

Удмуртиысь тазалыкез утёнъя министр Георгий Щербак тыосты шокатӥсь 13 аппарат (ИВЛ) ватсаса басьтозы шуыса сярысь ивортӥз.

Роспотребнадзорлэн элькунъя управлениезлэн кивалтӥсез Наталья Матюшина удысэтлэн ӟырдыт телефон линияз вуись юанъёс сярысь вераз. Солэн кылъёсызъя, шаерамы улӥсьёсты трос калыко ужрадъёсты ограничить каронэн, школаосты дышетонэз дугдытонэн, эм маскаос тырмымтэен герӟаськем юанъёс сюлмаськыто.

Улосвыллэн тӧроез верамъя, эм маскаос зэмзэ но тырмемысь дугдӥзы - куалектонлы сётскыса, калык соосты тросэн басьяз. Со пумысен федерал но улосвыл ёзъёсын пумкылъян вань ни. Маскаосты нырысь ик сётозы трос калык пӧлын ужасьёслы: эм ужасьёслы, МФЦ-ысь ӧнерчиослы, мер транспортысь водительёслы но кондукторъёслы но мукетъёсызлы.

17-тӥ южтолэзьлы Удмуртиын коронавирусэн черлам муртъёс пусъемын ӧвӧл

Александр Бречалов мерлыко вотэсысь бамаз Удмуртиын улӥсьёслы вазиськиз.

Провокациослы эн сётӥське, али мерлыко вотэсъёсын тросэн кылдӥсь пӧет иворъёслы эн оске. Зэмос ивортодэт штабысь но солэн ёзчиосызлэсь тодыны луэ
Александр Бречалов, Удмуртилэн тӧроез

Тодэ вайытом, Удмуртиысь куд-огез вылӥ дышетсконниос дистанционной амалэн дышетонэ выжизы (берлогес тодмо луиз, Удмурт кун университетын сыӵе амалэ потэмлэсь возиськыны малпазы - ред.). Ижкарысь аэропортын паласькись висёнъёсты алон амалъёсты кужмоятӥзы. Элькунын коронавирус инфекци пумысен «ӟырдыт герӟет» усьтӥзы




Наверх
Вниз