100 лет государственности Удмуртии
Ижкар+10 °C
25 -тӥ куартолэзь 2020 Вордӥськон
16+

Нуналаз 120 сюрс эм маскаос поттоз Удмуртиысь предприяти

  • 222
  • 0
Ижкар / Удмуртия
Нуналаз 120 сюрс эм маскаос поттоз Удмуртиысь предприяти
Туспуктэм: Алексей Арзамасцев

Удмуртиын эм маскаосты поттонэз нуналаз 120 сюрсозь вуттӥзы. Со сярысь шимучыръёсты алонъя но бервылзэс утялтонъя ӧрилэн кенешоназ ивортӥзы. Пумиськонэз улосвыл тӧроезлэн косэмезъя элькун кивалтэтлэн тӧроез Ярослав Семёнов ортчытӥз, ивортэ улосвыл тӧролэн но кивалтэтлэн пресс-службазы.

Туннэ асьме предприятие нуналаз 120 сюрс штука поттонэ выже. Со нимаз адямиослэсь но, трос адямиен кусып возись ӧнеръёсъя ужасьёслэсь но кулэяськонзэс быдэстыны тырмыт луэ
Виктор Лашкарёв, Удмуртиысь промышленностья но вузкаронъя министр
 

Элькунысь тазалыкез утёнъя министерстволэн, озьы ик Роспотребнадзорлэн управлениезлэн ивортэмзыя, выль коронавирус инфекциез пусъем дырысен, 2020-тӥ арысь 31-тӥ толшорысен, Удмуртиын 269 адямиез чакласа возизы, соос пӧлысь 34-ез – нылпиос. Берло уй-нунал ӵоже 7 адями эскерон улэ пыртэмын, 12-ез – чакланысь куштэмын. Али 105 адямиез эскерыса возё на, со пӧлын сизьым нылпиос. 

Коронавирус инфекцизы огезлэн но эскерем муртъёслэн пусъемын ӧвӧл

Удмуртиысь тазалыкез утёнъя министр Георгий Щербак элькунысь эм юртъёс инфекциен черламъёсты кутыны дасесь шуыса пусйиз.

Паласькись висёнъёсъя ёзэтъёсын милям 730 интыос, висисьёсты люкон понна 57 эм боксъёс дасямын. Элькунамы тыосты шокатӥсь 303 аппаратъёс вань. Федерал коньдэтлэн юрттэмезлы луыса эшшо 13 аппаратъёс басьтӥськом. Кулэяськон кылдӥз ке, ватсаса кужым но тӥрлык висъямын луозы
Георгий Щербак, Удмуртиысь тазалыкез утёнъя министр

Дышетон ужъюртъёсын - нылпи садъёсын, школаосын, вылӥ но шор ёзо ӧнер дышетсконниосын – ватсаса чаклан амалъёс кутӥсько

Роспотребнадзорлэн элькунъя управлениеныз кивалтӥсьлэн Наталья Матюшиналэн верамезъя, коронавирус инфекци пусъем кунъёсысь вань вуэмъёс Роспотребнадзорлэн лабораториосаз эскеронъёс пыр ортчо. Кулэ луись тестъёс вань. Сое ортчон понна «ӟырдыт герӟетъя» жингыртоно, вуэм сярысь ивортоно но ӵектонъёсты быдэстоно. Эмъюртъёсы ветлоно ӧвӧл. Вань эскеронъёсты ӧнерчиос доре лыктыса лэсьто. Адямилэн висёнэз вань шуыса малпан кылдэ ке, сое эмъюртэ нуо.

Элькун кивалтэтлэн тӧроезлэн воштӥсез - гурт возёсъя но сиён-юонъя министр Ольга Абрамова улосвыламы сиён-юон тырмымтэен шугъяськон ӧвӧл шуыса ивортӥз. Удмуртиысь предприятиос котьку сямен ик ужало, складъёсын но лавкаосын вузъёслэсь лыдзэс нуналлы быдэ чакласа возё. Со сяна, Удмуртилэн тӧроезлэн Александр Бречаловлэн косэмезъя элькунысь гурт возёсъя министерство монополиослы пумитъяськонъя ёзэслэн управлениеныз ӵош сиён-юонъёслы дунъёсты эскерыса возе.

Коронавирусэз алон бордын транспорт компаниослэн ужамзы сярысь элькунысь транспортъя но сюрес возёсъя министр Алексей Горбачёв вераз. Ижкарысь аэропортын но вокзалъёсын, кыдёке ветлӥсь поездъёсын ватсаса чылкытатон ужъёс нуо, пассажиръёслэсь, бордазы йӧтскылытэк, температуразэс мертало. Мер транспортэз дезинфекци суретъёсын тазато.

Шимучыръёсты алонъя ӧрилэсь кенешонзэ йылпумъяса, Улосвыл кивалтэтлэн тӧроез Ярослав Семёнов Удмуртиын югдур вылӥ дасьлыкъя режим ялэмын шуыса ивортӥз.

Тодэ вайытом, коронавирусэн сэрен Удмуртиын трос калыкъем ужрадъёсты ограничить каризы. Куд-огез вылӥ дышетсконниос дистанционной амалэн дышетсконэ выжизы



Наверх
Вниз