100 лет государственности Удмуртии
Ижкар+10 °C
25 -тӥ куартолэзь 2020 Вордӥськон
16+

Удмуртилэн тӧроез вылӥ дасьлыкъя режимез пыртон сярысь косэмез кинюртӥз

  • 389
  • 0
Ижкар / Удмуртия
Удмуртилэн тӧроез вылӥ дасьлыкъя режимез пыртон сярысь косэмез кинюртӥз
Туспуктэм: Григорий Фомин

Удмуртилэн тӧроез Александр Бречалов элькунамы коронавирус инфекци вӧлмонэз алон понна вылӥ дасьлыкъя режимез пыртон сярысь косэмез кинюртӥз. Со сярысь улосвыл тӧролэн но кивалтэтлэн пресс-службазы ивортэ.

Ужкагазын гожтэмын:

- 19-тӥ южтолэзьысен 500-лэсь трос калыкез люкась ужрадъёсты - театрально-зрелищной, культурно-просветительской, спортъя но мукет, ортчытъяны уг яра. Ортчытытэк уг луы ке, ужрадэз учкисьёстэк но рос-прос дезинфекци лэсьтыса радъяно;

- Россилэсь палэнэ командировкаосы потаны уг яра. Одно ик мыныны кулэ ке, бертэмез бере адями 14 нунал ӵоже карантинын луыны кулэ;

- висён вӧлмемъя умойтэм югдуро кунъёсысь вуэмъёслы «ӟырдыт герӟетъя» жиныртоно но эскеронъёс пыр ортчоно;

- ужан интыын ужасьёслэсь температуразэс ялан мертано, огъя интыосын дезинфекци ортчытъяно но антисептикъёс возёно;

- интыысь аскивалтон ёзэтъёсын коронавирус инфекци вӧлмонэз алон но чакласа возён понна оперативной штабъёс кылдытоно;

- эмъюртъёсын таза но висись адямиосты висъяно, дезинфекци ялан ортчытъяно, мукет кунъёсысь вуэмъёслы болничноез эмъюртэ вуылытэк басьтыны луонлыкъёс кылдытоно;

- эмчиослы Москваысь но Санкт-Петербургысь поездъёсын, озьы ик котькыӵе карысь авиатранспортэн вуэмъёсты эскероно;

- школаосын дышетскисьёслы группаен Удмуртилэн палэназ потаны уг яра;

- аптекаос вируслы пумитъяськись, бактериосты быдтӥсь препаратъёсын но утиськон арбериосын тырмыт луыны кулэ.

Тӧрлык ёзэсъёслэсь вань ужзэс Удмуртилэн кивалтэтэз бордын ужась Шимучыръёсты алонъя но бервылзэс утялтонъя но тылпу потон кышкытлыклэсь утиськонъя ӧри чакласа возёз.

Тодэ вайытом, Удмуртиын коронавирус инфекциен челам муртъёс пусъемын ӧвӧл. Элькун тӧрлыкъёс лавкаосысь сиён-юонъёслы дунъёсты чакласа возё. Висён алянэз палэнтон понна элькунысь предприяти нуналаз 120 сюрс эм маскаос поттыны кутскоз



Наверх
Вниз