100 лет государственности Удмуртии
Ижкар+4 °C
1 -тӥ оштолэзь 2020 Вирнунал
16+

Коронавирусъя 1 сюрслэсь трос тестъёс ортчытӥзы Удмуртиын

  • 324
  • 0
Ижкар / Удмуртия
Коронавирусъя 1 сюрслэсь трос тестъёс ортчытӥзы Удмуртиын
Туспуктэм: Татьяна Пунгина

Роспотребнадзорлэн элькунъя управлениез кык арня ӵоже ини уен-нуналэн ужа шуыны луоз. 20-тӥ южтолэзьлы коронавируслы 1 сюрслэсь трос тестъёс лэсьтӥзы. Со сярысь лабораторилэн кивалтӥсез Лариса Анинко ивортӥз.

Лаборатория быдэсыз кужмоятэм амалэн ужаны тупатэмын. Ваньмыз ӧнерчиос, ваньмыз кабриолетъёс коронаирусэз эскерон вылэ ужало. Милям рос-прос эскеронъёс ортчытӥсько
Лариса Анинко, Роспотребнадзорлэн элькунъя управлениысьтыз лабораторилэн кивалтӥсез

Мазокъёсты ым но ныр пушкысь басьто. Анализъёсты лабораторие эмъюртъёсысь ваё. Эскеронъёс куать час кыстӥсько.

Эскерон через возьматэ яке юанъёс кылдо ке, диагнозэ зэматон понна ми анализэз Новосибирске «Векторе» келяськомы. Соос выльысь эскерем бере зэмос йылпумъян тодмо луоз
Лариса Анинко, Роспотребнадзорлэн элькунъя управлениысьтыз лабораторилэн кивалтӥсез

Та дырозь анализъёсты Роспотрбенадзорлэн вирусологияя но биотехнологиосъя тодосъя «Вектор» кун центраз келяны кулэлык ӧй вал. Удмуртиын эскеронъёс коронавирусэз ӧз шараялэ.

Тест-системаосты Новосибирскысь центр Удмуртилы дунтэк сётӥз. Анализъёсты озьы ик дунтэк эскеро.

Частной клиникаос коронавируслы дунын эскеронъёс ортчытыны уг быгато

Роспотребнадзорлэн Удмуртиысь управленияз пусъё, черланы быгатэм муртъёслэн лыдзы йылӥз ке, соослэн ӧнерчиоссы но ужаны арбериоссы тырмыт. 

Тодэ вайытом, Удмуртиын коронавирус сэрен диспансеризациез но эм эскеронъёсты ог дырлы дугдытӥзы



Наверх
Вниз