100 лет государственности Удмуртии
Ижкар+3 °C
30 -тӥ южтолэзь 2020 Вордӥськон
16+

Удмуртиын коронавирусэн черлан кык учыр пусйизы

  • 251
  • 0
Ижкар / Удмуртия
Удмуртиын коронавирусэн черлан кык учыр пусйизы
Туспуктэм: Татьяна Пунгина

Удмуртиын кык учыпын коронавирус инфекциез шараязы. Со сярысь 22-тӥ южтолэзе мерлыко вотэсъёсысь бамаз элькунлэн тӧроез Александр Бречалов ивортӥз.

Кыказ ик учырын висён палэнысь ваемын. 20 аресъем нылмурт 13-тӥ южтолэзе Швейцариысь вуиз, 27 аресъем пиосмурт Венгриысь вуиз

Али соос паласькись висёнъёсъя элькун эмъюртын эмъясько, кыкназылэн тазалыксы умой, висёнзы капчиен ортче, вераз 22-тӥ южтолэзе Удмуртиысь кивалтэтлэн тӧроез Ярослав Семёнов.

Егитъёс та дыре ужась режимъя асьсэдыз возизы. Кутсконысеныз ик, вуэмзы дырысен, доразы ворсаськизы, лыктэмзы, асьсэдыз шӧдэмзы сярысь эмъюртэ верамы, нырысетӥ тодметъёсыз кылдэм бере ик паласькись висёнъёсъя эмъюртэ келямын вал
Ярослав Семёнов, Удмуртиысь кивалтэтлэн тӧроез

Соос коронавирусэн черламын шуыса зэматон Роспотребнадзорлэн Новосибирскысь эскеронъёсъя «Вектор» институтысьтыз вуиз.

Ваньмыз кулэ санитарной но эпидемилы пумит ужрадъёс ортчытэмын, ми егитъёсын кусып возем вань адямиосты шедьтӥм. <…> Оглом соос даслэсь трос ӧвӧл
Ярослав Семёнов, Удмуртиысь кивалтэтлэн тӧроез

Солэн верамезъя, ваньзэсты черламъёсын кусып возем муртъёсты эскеризы, висёнзы шараямтыэ. Ваньзылы валэктӥзы, кызьы соос асьсэдыз возьыны кулэ, кызьы дезинфекци но эм эскеронъёс ортчытъяны, кыӵе тодметъёс дыръя ӝегатскытэк эмъяськонние мыныны кулэ.

Ярослав Семёнов пусйиз, югдурез чакласа возё шуыса, Удмуртиын улосвыл тӧролэн кивальэмез улсын оперативной штаб ужа. Элькунысь эмъюртъёсын вань кулэез вань.

Элькунын вылӥ дасьлыкъя режим ужа, ми котькуд адямиез, кин пумысен юанъёс вань, висись муртэ сямен учкиськомы. Со амалъёс асьме элькунын инфекци вӧлмонэз алон понна тырмыт
Ярослав Семёнов, Удмуртиысь кивалтэтлэн тӧроез

Удмуртиысь тазалыкез утёнъя министерство ивортэмъя, 22-тӥ южтолэзьлы элькунын 263 адями эскерон улын вал, эмъяськониын та вакытэ алясь паласькись висёнъёсын 27 мурт кылле. Выль инфекциез чакланы кутскем дырысен коронавируслы 1 сюрс 337 эскеронъёс ортчытэмын.

Вань юанъёсын ӟырдыт телефон линие жингыртыны луэ:

Удмуртиысь тазалыкез утёнъя министерствое 8 (3412) 57-01-89;

Роспотребнадзорлэн Удмрт Элькунъя управленияз 8-800-555-49-43.

Ватсалом, кылдэм югдурын Роспотребнадзор киосты майталэн ӵемгес миськыны, киосты тазатон суретъёсты кутыны, уката ик калыко интосын, тарнспортын дыръя; миськымтэ киосын ныр, ым, синъёс борды йӧтскылын уг яра; компьютерлэсь клавиатуразэ, смартфонлэсь экранзэ, оргтехникалэсь панельзэ, пультъёсты, ӧс кутонъёсты ӵемгес тазатыны кулэ. Паласькись лек вирус инфекцилэн (ОРВИ) тодметъёсыз кылдыку, доре кылёно но эмчиез ӧтёно.

Роспотребнадзор эпидемиологи югдуръя умойтэм югдурен кунъёсы ветлэмлэсь возиськыны ӵектэ. 



Наверх
Вниз