100 лет государственности Удмуртии
Ижкар+21 °C
29 -тӥ куартолэзь 2020 Удмуртарня
16+

Куинь аресысен куать но ӝыны аресозь пиналъёслы дунтэк эмъюмъёс сётыны ӵекто Удмуртиын

  • 228
  • 0
Ижкар / Удмуртия
Куинь аресысен куать но ӝыны аресозь пиналъёслы дунтэк эмъюмъёс сётыны ӵекто Удмуртиын
Туспуктэм: Григорий Фомин

Удмуртиысь начар улӥсь семьяосысь куинь аресысен куать но ӝыны аресозь пиналъёслы доразы эмъяськыкузы дунтэк эмъюмъёс сётыны ӵекто. Со сярысь Кун Кенешлэн тӧроезлэн воштӥсез Надежда Михайлова кивалтэм улсын тазалыкез утёнъя, демографияя но семья политикая ялан ужась ӧрилэн дистанционной амалэн ортчем кенешоназ вераськизы, ивортэ элькун парламентлэн пресс-службаез.

Депутатъёс «Об адресной социальной защите населения в Удмуртской Республике» катэ воштонъёс сярысь катӵектосэз эскеризы. Соя элькунын толэзь улыны тырмыт коньдонлэсь ӧжыт табыш басьтӥсь семьяосысь куинь аресысен куать но ӝыны аресозь пиналъёслы доразы эмъяськыкузы эмчилэн яке фельдшерлэн рецептэзъя дунтэк эмъюмъёс сётон сярысь статья ватсаны ӵекто.

Ялан ужась ӧрие пыриськисьёс катӵектосэз умоен лыдъязы но элькун парламентлэн матысь сессияз кык лыдӟонэн кутыны ӵектӥзы.

Элькунын улӥсьёс азьын мерлыко кылсётэмез быдэстон ми понна валтӥсез луэ. Выль кылсётэмъёс кылдыку, нокыӵе шуг-секытъёс шоры учкытэк, ми соосты быдэсак быдэстыны тыршиськом
Надежда Михайлова, Удмуртиысь Кун Кенешлэн тӧроезлэн воштӥсез

Катӵектосъя дунтэк эмъюмъёс басьтӥсьёслэн лыдзы йылоз. Дунтэк эмъюмъёс ватсаса 12 сюрс 300 пала пиналъёс басьтыны быгатозы

Удмуртиысь тазалыкез утёнъя министр Георгий Щербак пиналъёслы эмъюмъёс, эмъясь сиён-юонъёс, эм арбериос сётон ужрадъёс улосвыл тӧрлыкъёслэн ужоскетъёссы пӧлы пыро шуыса пусйиз. Та дыре элькунын эмчиослэн рецептъёссыя дунтэк эмъюмъёс куинь аресозь пиналъёслы но трос нылпиё семьяосысь куать аресозь пиналъёслы висъяло. Со сяна, «О мерах по социальной поддержке многодетных семей» катъя семьяысь котькуд адямилы улосвылын юнматэм толэзь ӵоже улыны тырмыт коньдонлэсь ӧжыт табыш басьтӥсь трос нылпиё семьяосысь куать но ӝыны аресозь пиналъёслы рецептъя эмъюмъёс дунтэк сёто.

Тодэ вайытом, азьвылгес катӵектосэз Удмуртиысь кивалтэт умоен лыдъяз



Наверх
Вниз