Ижкар+19 °C
2 -тӥ пӧсьтолэзь 2020 Покчиарня
16+

Коронавирусэн 53 черламъёсты пусйизы Удмуртиын

  • 161
  • 0
Ижкар / Удмуртия
Коронавирусэн 53 черламъёсты пусйизы Удмуртиын
Туспуктэм: Татьяна Пунгина

2-тӥ инвожолы Удмуртиын коронавирус инфекциен 53 выль черламъёсты пусйизы. Со сярысь элькунлэн тӧроез Александр Бречалов «ВКонтакте» мерлыко вотэсысь бамаз ивортӥз.

Висёнзы Можгаын 22 улӥсьёслэн, Ижкарын 11 улӥсьёслэн, Глазкарын сизьым улӥсьёслэн, Алнаш, Можга ёросъёсын быдэн ньыль улӥсьёслэн, Сарапул ёросын кык улӥсьёслэн, Грак, Сюмси, Кизнер ёросъёсын быдэн одӥг улӥсьёслэн зэмаз

Висьыны усемъёс пӧлын 14 аресозь куинь нылпиос, 65 ареслэсь мӧйы вить кунмуртъёс, эм удысын куать ужасьёс
Александр Бречалов, Удмуртилэн тӧроез

Эшшо 11 адями висёнэз вормиз но дораз бертӥз, одӥгез – 68 аресъем висись – улонысь кошкиз.

Туэ тулыспалысен элькунысьтымы укмыс лабораториосын коронавируслы 71 сюрс 175 пробаосты эскеризы, со пӧлысь 2 сюрс 23-зэ – берло уй-нунал ӵоже.

Туннэ нуналлы элькунысьтымы 770 муртлэн коронавирусэн черламзы лабораториосын зэматэмын. Со пӧлысь 19-эз улонысь кошкизы, 407-ез – бурмизы. 




Наверх
Вниз