Ижкар+19 °C
7 -тӥ пӧсьтолэзь 2020 Пуксён
16+

Эмъюртэ выдӥсь муртъёс коронавирус инфекцилы анализъёс сётоно луозы Удмуртиын

  • 65
  • 0
Ижкар / Удмуртия
Эмъюртэ выдӥсь муртъёс коронавирус инфекцилы анализъёс сётоно луозы Удмуртиын
Туспуктэм: Руслан Нуриахметов

Удмуртиын эмъюртъёсы котькыӵе муген выдӥсь муртъёс одно ик коронавирус инфекцилы анализ сётоно луозы. Со понна тыриськонэз эм утетъя фонд ас вылаз басьтоз. Со сярысь Эм утетъя федерал фондлэн пресс-службаез ивортэ.

Выль куронъёс кужымазы пыризы ини.

Косонъя, вань пациентъёслы эмъюртэ выдон азязы сизьым нунал куспын биоматериалзэс (ымысь но нырысь мазок) лабораториын СOVID-19 вируслы эскероно. Анализ ПЦР амалэн ортчытӥське, эм утетъя тыриськонъёс чотын
Елена Чернякова, Эм утетъя федерал фондлэн тӧроез

Эмъюртэ выдыкузы пациентъёсты терапевт (нылпиосты - педиатр) учкыны кулэ. Озьы ик эмчи бордазы йӧтскылытэк температуразэс мертаны но вирысьтызы кислородэз мертан ортчытыны кулэ.

Эм мугъёсъя (ӝутскем температура, кислородлэн синэмез яке мукет тодметъёс) эмчи пациентъёсты рентгенографие яке тыоссэс компьютер томографиын учкыны келяны, озьы ик COVID-19 вируслы ватсаса эскеронъёс лэсьтыны (тест амалэн но луоз) келяны быгатоз.

Планъя эмъюртэ выдыкузы пациентъёсты коронавирус инфекцилы тестэз ас коньдонэнызы лэсьтыны косо ке, со шонер ӧвӧл, соку госпитализация пумысен юанъёсты сэрттон-пертчон понна эм утетъя ас огазеяськонады вазиськоно. Шугъяськонэз палэнтон понна отысь ӧнерчи эм огазеяськонэн яке тазалыкез утён удысэн кивалтӥсь ёзэсэн герӟаськоз
Михаил Пушков, эм утетъя «Капитал-МС» огазеяськонлэн кивалтӥсезлэн воштӥсез

Эм утетъя огазеяськондылэн нимыз эм полисты вылын гожтэмын улыны кулэ. Отын ик юанъёсын вазиськыны телефон номеръёс пусъемын луыны быгато. Ӧвӧл ке, телефон номеръёсты эм утетъя огазеяськонлэн нимлыко сайтысьтыз тодыны луэ. 



Наверх
Вниз