Ижкар+19 °C
6 -тӥ пӧсьтолэзь 2020 Вордӥськон
16+

Коронавирусэн нюръяськись эм ужасьёслы Удмуртиын 128 миллион манетлэсь трос коньдон тыризы

  • 49
  • 0
Ижкар / Удмуртия
Коронавирусэн нюръяськись эм ужасьёслы Удмуртиын 128 миллион манетлэсь трос коньдон тыризы

Удмуртиын выль коронавирус инфекциен нюръяськись эм ужасьёслы 128 миллион 400 сюрс манет тыризы. Со сярысь 29-тӥ инвожое мерлыко вотэсъёсын меӵак эфирез дыръя улосвыллэн тӧроез Александр Бречалов ивортӥз.

Тыронъёс Росси азьмуртлэн Владимир Путинлэн пумкылъянэзъя азьланьтӥсько.

Ватсаса тыронъёс Удмуртиысь тазалыкез утён удысысь 2 сюрс 870 ӧнерчиос басьтӥзы ни, со пӧлын 764 эмчиос, 1 сюрс 492 кузя шор ёзо эм ужасьёс, 614 кузя покчи эм ужасьёс но ӝог эмъюрттэт сётон машинаез нуллӥсьёс
Александр Бречалов, Удмуртилэн тӧроез

Улосвыл тӧролэн верамезъя, 12-19 инвожое тыронъёсты ёрос эмъюртъёсын ужасьёс басьтӥзы: Алнашысь, Гракысь, Пичи Пургаысь. Со 39 эм ужасьёс, со пӧлын 20 фельдшеръёс но выль коронавирус инфекциен черламъёсты нуллӥсь 19 водительёс. Ватсаса тыронъёслэн оглом быдӟалазы 1 миллион 500 сюрс манет. 



Наверх
Вниз