Ижкар+20 °C
9 -тӥ гудырикошкон 2020 Воскресенье
16+

Диспансеризациез ортчыны нош ик луоз Удмуртиын 1-тӥ гудырикошконысен

  • 69
  • 0
Ижкар / Удмуртия
Диспансеризациез ортчыны нош ик луоз Удмуртиын 1-тӥ гудырикошконысен
Туспуктэм: Руслан Нуриахметов

1-тӥ гудырикошконысен Удмуртиысь эмъюртъёсын диспансеризаци ортчытонэз азьланьтозы. Сыӵе пумкылъян коронавирусъя оперативной штабын кутӥзы. Со сярысь улосвыл тӧролэн но кивалтэтлэн пресс-службазы ивортӥз.

Диспансеризациез азьвыл гожтӥськыса ортчыны луоз

Коронавирус инфекци сэрен Россиын южтолэзьысен диспансеризаци ортчытонэз дугдытӥзы вал. Озьы ик Удмуртиын эм эскеронъёсты (медосмотръёсты) ӧз нуэ.

Кыдёкысь пичи гуртъёсын улӥсьёс диспансеризациез интыысь интые ветлӥсь эм огъетъёсын ортчыны быгатозы. Кылем арын соос 12 сюрслэсь трос адямиез эскеризы. Туэ нырысетӥ квартал ӵоже – 3 сюрс 400 муртэз. «Здравоохранение» йӧскалык ӵектосъя кылем арын Удмуртие тямыс сыӵе огъетъёс вуизы, куиняз флюорографъёс вань, витяз – маммографъёс. Со сяна, мӧйыосты эмъюртъёсы нуллон понна вань ёросъёсысь калыклы мерлыко юрттэт сётонъя центъёслы нимысьтыз транспорт сётӥзы. Таяз арын нырысетӥ кварталэ соос 503 пол гуртъёсы потазы но 2 сюрс 693 пересьёсты эмъяськонние диспансеризациез ортчыны вайылӥзы. 



Наверх
Вниз